Wp/kea/Puder djudisiári

Palós di Djustisa di Praia, na Santiagu

Puder djudisiári é kel róm di Stadu rasponsávi pa diministrason di djustisa na un susiadadi. El é un di kes tres róm prinsipal di un Stadu (djuntu ku puderis lijislativu i izikutivu), i el ta atua trabés di nterpretason i aplikason di nórmas i prinsípis djurídiku na suluson di kunflitus. In jeral, ta ntendedu ki es é atuason prinsipal di djudisiári, kumó privistu na tiuria di suparason di puderis.

Kada puder statal ta organiza si atividadis pa mei di instituson di un kunjuntu di órgons públiku ki, na kazu di Puder Djudisiári, ta ben ser kes órgons djudisial o djurisdisional, nkluzivi tribunals, ki ta izersi otoridadi djurisdisional.