Wp/kea/Puder izikutivu

Palós di Gubérnu di Kauberdi, lukalizóde na Praia, Santiagu

Puder izikutivu é un di kes tres róm prinsipal di un Stadu (djuntu ku puderis djudisiári i lijislativu). Kuma privistu na tiuria si suparason di puderis, es puder tene atribuson di guberna un entidadi pulítiku, u-ki el ta fasi trabés di órgons di diministrason públiku.

Na kes país ki ta dota prizidensialismu kumó sistéma di gubérnu, izénplus di Brazil ma Stadus Unidu di Mérka, kel pisoa ki sta na puzison di prizidenti di país é ki ta kumanda puder izikutivu.

Na simiprizidensialismu, ki é kel sistéma di gubérnu dotóde pa Kauberdi, Fransa, Aiti, Ijitu, Purtugal i txeu otu paízis, puder izikutivu di país é distribuídu entri prizidenti i purmeru-ministru.

Pa fin, na un sistéma parlamentarista, lijitimidadi dimukrátiku di puder izikutivu é bazióde na puder lijislativu (raprizentóde pa parlamentu nasiunal). Asi, puder izikutivu ma puder lijislativu é ntrinsikamenti ligadu na es sistéma di gubérnu.