Wp/kea/Prudutu ntérnu brutu

Prudutu ntérnu brutu (PNB) raprizenta un sóma (na baloris munetári) di tudu bens i sirbisus final pruduzidu na un rijon (kumó un país, un stadu o un sidadi), duranti un priúdu diterminóde (mes, anu, triméstri). PNB bin ser un di kes ndikador más uzadu na makruikunumia ku ntenson di kuantifika atividadi ikunómiku di un rijon.

Na kuntáji di PNB, ta kunsideróde so bens i sirbisus final, asi, di es kónta ta skluídu tudu bens di kunsumu ntermediári. Kel-li ta fasedu pa ivita prubulémas ralasionóde ku dupla kuntáji, ki ta okore kantu baloris jeradu na kadia di pruduson ta parse dos bes na sóma di PNB.