Wp/kea/Parlamentu

Ntrada di Kasa di Parlamentu di Gana

Na un difinison anplu, parlamentu é un órgon lijislativu, raprizentativu i kulejiadu di un Stadu nasiunal, subinasiunal o supranasiunal. Na un difinison stritu, parlamentu é un kámra o asenbleia lijislativu, kunpostu pa un kunjuntu di ménbrus iletus, txumadu parlamentaris, pa dzinpenha tres funsons prinsipal: raprizentason pulítiku di sidadons, ilaburason di lei i otu nórmas, i fiskaliza puder izikutivu.

Un parlamentu pode ten un úniku kámra, kuma na kazu di Kauberdi, Angóla, Purtugal, Finlándia, Mosanbiki, Nuruéga, Santumé i Prispi, Gana, entri otus; o el pode ten dos kámra, kumó na Brazil, Sumália, Itiópia, Kulónbia, Stadus Unidu di Mérka, Fransa, Spanha, Áfrika di Sul, ets.