Wp/kea/Pakiston

Pakiston, ofisialmenti Rapúblika Slámiku di Pakiston, é un país suberanu di sul di Ázia. Ku un pupulason ki ta supera 200 milion di abitantis, el é kintu país más pupulozu di mundu i, ku un ária di 796 095 kilómetrus kodradu, é 35ª más grandi nason kónde kunsideróde stenson tiritorial. Pakiston tene un rijon litorániu ku 1 046 km di stenson paralélu ku Mar di Arábia ma Golfu di Oman. Es país aziátiku ta fase frontera ku Índia, na si parti lésti; ku Afeganiston, na oésti i nórti; ku Iran, na suduésti; i ku Xina, na strému nordésti. Na si banda nórti, Pakiston ka tene frontera ku Tadjikiston, pamodi es sta siparóde pa un stretu konxedu kuma Kuredor di Uakan, ki ta fase parti di Afeganiston. Pakiston inda ta partidja frontera marítimu ku Oman.