Wp/kea/Olanda, rijon

Divizon atual di rijon di Olanda na dos parti: Olanda di Nórti ku Olanda di Sul

Olanda é un rijon jográfiku lukalizóde na kósta uésti di País Baxu. Di séklus X ti XVI, el foi un rijon pulítiku unifikóde dentu-l Sakru Npéri Rumanu-Jermániku, un kondadu gubernadu pa kondis di Olanda. Di 1588 ti 1795, el foi un di séti pruvínsia ki ntegra Rapúblika di Séti País Baxu Unidu.

Oxi in dia, es rijon jográfiku ta koinsidi, prusimadamenti, ku tiritóris di Olanda di Nórti i Olanda di Sul, dos pruvínsia di País Baxu ki, djuntu, ta nklui tres sidadi más grandi di es país: Amsterdan, si kapital; Roterdan, na undi sta más grandi portu di Orópa; i Aia, sédi di si gubérnu. Na 2019, rijon di Olanda tenba sérka di 6,6 milion di abitantis.