Wp/kea/Nelson Mandéla

Nelson Mandéla foi un divugadu, líder raboitadu i prizidenti di Áfrika di Sul di 1994 ti 1999, kunsideróde más npurtanti líder di Áfrika subisarianu, vensidor di prémi Nobel di Pas na 1993, i pai di mudérnu nason sulafrikanu, na undi el é kumumenti rafiridu kumó Madiba (nómi di si klan), o Tata (ki ta siginifika 'pai').

Nisedu na un família di nobréza tribal, na un pikénu aldea di ntirior nundi pusivelmenti e ta ben okupaba un kargu di xefatura, Mandéla rakuza es distin kónde el teneba 23 anu pa ta sigi pa sidadi di Djonesburgu, na kol el ta kumesaba si atuason pulítiku. El pasa di un bida na kel ntirior rural pa un atuason raboitadu na universidadi, i transforma na un xóven divugadu na sidadi grandi i líder di razisténsa non viuléntu di xuventudi, ma-l kaba kumó réu na un julgamentu infami, akuzóde di traison. Dispos di un ténpu furajidu, Mandéla torna prizioner más famozu di mundu i, pa fin, pulítiku más ravirensióde nkuantu bibu, rasponsávi pa rafundason di si país suma un susiadadi multiétiniku.