Wp/kea/Nani

Luís Carlos Almeida da Cunha (Luís Karlus Almeida di Kunha, na kauberdianu), más kunxedu kumó Nani (Amadora, 17 di Nuvénbru di 1986) é un djugador di futibol purtugês, di oriji kauberdianu, ki ta djuga prinsipalmenti na puzison di strému. El é lenbradu pa se vlusidadi, dribli i bon ramati ku pe zdreta i skérda.

Nani kumesa se karera prufisiunal na Sporting CP, i dos anu dispos el foi kuntratóde pa Manchester United, undi el ganha bárius titlu, nkluindu Purmeru Liga i Liga di Kanpions di UEFA. Duranti se karera, el djuga tanbê na otu klubis, sima Fenerbahçe, Valencia, Lazio i Orlando City.

Na nívi internasiunal, Nani raprizenta sileson purtugês di futibol i foi un di kes djugador más npurtanti na vitória di Purtugal na Kanpiunatu Oropeu di 2016 (Euru 2016). Nani puzenta di futibol na 2024, mas el ta raturna na 2026, dispos di ser kuntratóde pa djuga un ón na FC Aktobe, di Kazakiston.^[1]

Rafirénsas

↑ https://sicnoticias.pt/desporto/2026-01-25-nani-sai-da-reforma-aos-39-anos-para-jogar-no-cazaquistao-b4ddba8c#:~:text=Nani%20assinou%20por%20uma%20%C3%A9poca,in%C3%ADcio%20de%20novembro%20de%202024.

[1] ttps://sicnoticias.pt/desporto/2026-01-25-nani-sai-da-reforma-aos-39-anos-para-jogar-no-cazaquistao-b4ddba8c#:~:text=Nani%20assinou%20por%20uma%20%C3%A9poca,in%C3%ADcio%20de%20novembro%20de%202024.

[1]