Wp/kea/Mezusféra

Otokaru spasial Endeavour ta trabesa stratusféra i Mezusféra. Tropusféra, kel kamada ki konte nubris, parse laranjadu na es imáji

Mezusféra é tirseru kamada di tumusféra tiréstri, lukalizóde riba di stratusféra i bóxe di termusféra. Na el, tenperatura ta diminui kunfórmi altitudi ta omenta. Es karatirístika é uzóde pa difini limitis: el ta kumesa na topu di stratusféra (albes txumadu stratupoza) i ta tirmina na mezupoza, ki é kel parti más friu di tumusféra di Téra, ku tenperaturas ki ta txiga na −143 °S. Si limitis supirior i nfirior izatus ta baria ku latitudi i ku stasons di anu: es é más ólte na nvérnu i na trópikus, mas baxu na veron i na pólus. Jeralmenti, si limiti nfirior sta lukalizóde na altitudis di 47 ti 51 km riba di nívi di mar, i limiti supirior sta na faxa di 85 ti 100 km.