Wp/kea/Kumérsi di skrabizadus na Atlántiku

Kumérsi di skrabizadus na Atlántiku o kumérsi tranzatlántiku di skrabizadus, tánbi txumóde di tráfiku negreru, karatiriza pa nogosiason di seris umanu sakustradu na Áfrika kuma merkaduria. El okore na tudu Osianu Atlántiku entri séklus XVI i XIX. Maiuria di skrabizadus ki foi libóde pa Nobu Mundu — más grandi parti trabés di róta di Kumérsi Triangular —, éra ménbru di pobus di Áfrika Osidental, na partis sentral ku osidental di kel kontinenti. Na si parti afrinaku, es kumérsi staba organizóde di dos manera: otu afrikanus osidental ta bendeba-es pa kumersiantis di pisoas skrabizadu ki bin di Orópa Osidental; nkuantu otus éra kapturadu diretamenti pa oropeus.