Wp/kea/Kristianismu

Krus kriston é prinsipal sinblu di kristianismu

Kristianismu é un ralijon monoteísta bazióde na bida i na nxinamentus di Djuzus. El é más grandi i más spadjadju ralijon di mundu, ku poku más di un quartu di pupulason global, sugundu stimativa di 2020. Si sigidoris, ki ta kunxedu kumó kristons, ta konstitui maiuria di pupulason na sérka di 120 paízis i tiritóris.

Kristianismu é kulturalmenti bariadu kantu konsideróde si ramus osidental i oriental. Es bariason tánbi ta ozerbadu na dutrina ralasionóde ku djustifikason i naturésa di salbason, ikleziulujia, ordenason i kristulujia. Entritantu, más grandi parti di dinominasons kriston ta konpartidja krénsa di ki Djuzus é Diós Fidju — palabra nkarnóde — ki ministra, sufri i more na krus, mas rasusita di mortus pa salbason di umanidadi; es mensaja é txumóde di vanjéliu, ki siginifika boas nóba. Kuóte vanjélius kanóniku di Mateus, Markus, Lukas i Djon ta diskrebe bida i nxinamentus di Djuzus, konfórmi prizervóde na tradison kriston primitivu, tendu Antigu Tistamentu suma bazi ruspetadu di es vanjélius.