Wp/kea/Djarfogu

Lukalizason di Djarfogu na mapa di Kauberdi

Djarfogu é un di kes dés ilia ki ta konstitui arkipélagu di Kauberdi. El ta fasi parti di grupu Sotabéntu. El tene un ária di 476 kilómetrus kodradu. Na 2016, el tenba 35.837 abitantis. Na Djarfogu sta más maiór altitudi di Kauberdi, ki é un ilevason di 2.829 métrus pa riba di nívi di mar na topu di si burkan ativu Piku di Fogu.

Jografia

Djarfogu ta fika entri Santiagu i Djabraba. El tene 26,3 km di kunprimentu ku 23,9 km di largura, i si ária tutal é di 476 kilómetrus kodradu. Es ilia é, kuazi na si nteréza, un stratuburkan ki ten stadu ativu ku ragularidadi — últimu irupson okore na 2014. Si aspétu burkániku más notávi é Bordera, un kaldera ku nóvi kilómetrus di artura na si bórda oriental. Ta izisti dos bilas pikénu, Portéla ma Bangaíra na fundu di kel kaldera (Txan di Kalderas).