Wp/kea/Djabraba

Lukalizason di Djabraba na mapa di Kauberdi

Djabraba é un di kes dés ilia ki ta konstitui arkipélagu di Kauberdi. El ta fasi parti di grupu Sotabéntu. El tene un ária di 62,5 kilómetrus kodradu — más pikénu ilia abitóde di es arkipélagu. Na 2015, el tenba 5.698 abitantis.

Jografia

Djabraba tene 10,5 km di kunprimentu ku 9,3 km di largura. Si ária é di 62,5 km². Es ilia é kuazi nter un stratuburkan. El ta fika na sotabéntu di kel inórmi burkan di Djarfogu. Si atividadi burkániku ta konsentróde spisialmenti na tres linhas ki ta kruza un na otu na topu di terénu ki ta furma parti más artu di si tiritóri. Djabraba ka ta pusui irupsons stóriku dukumentadu, mas si murfulujia burkániku xóven, si kumó izisténsa, ti oxi, di nxamas sísmiku, ta ndika pusibilidadi di irupsons na futur; ta sitimóde ki si últimu irupson okori na Olusénu. 13% di ária tutal di es ilia é flurestóde.

Na nórti di Djabraba ta izisti txeu djéus dizabitadu; kes más grandi é Djéu di Riba i Djéu Grandi. Si pontu más altu sta na Munti Funtainha, ki ta atinji 976 métrus di altitudi.