Wp/kea/Disportu

Djugador brazileru Pelé na un djogu di sileson di si país, na 1960; na 2000, el foi skodjedu midjór dispurtista di séklu XX pa KOI

Disportu é un atividadi fíziku o djogu, frikuentimenti kunpititivu i organizóde, ki ta djuda na manutenson i amdjoramente di kapasidadis i abilidadis fíziku. Disportu pode prupursiona prazer pa partisipantis i e ta funsuna kumó ntritinimentu pa spetadoris. Ta izisti inórmi bariason na nunbru di partisipantis di tipus diferenti di disportus.

Kunpitisons dispurtivu é rializóde na furmatus di ikipa o ndividual; es pode ser abértu, pa pirmiti partisipason di grandi nunbru di pisoas, o fitxadu, pa rastrinji partisipason pa grupus spisífiku o grupus kunvidóde. Alguns kunpitison ta pirmiti npati kuma razultóde final, u-ki ta razulta na más di un kanpion; otus ta dota métudus di dizinpati pa garanti un úniku vensidor. Txeu ligas dispurtivu ta difini un kanpion na kada ón trabés di organizason di djogus na un tenpurada ragular sigidu, na algun kazus, di sistéma iliminatóri.