Wp/kea/Diministrason públiku

Diministrason públiku, o jeston públiku, é un sistéma ki ta konprendi un kunjuntu di struturas, prusésus i atividadis trabés di kas un Stadu o otu organizasons públiku — statal o non statal — ta bin jiria kistons públiku ku osíliu di funson diministrativu i di jeston.

Un diministrason públiku é raguladu, spisialmenti, pa Puder Izikutivu i pa ajénsas ki ta manti kontatu frikuenti ku el.

Na térmus akadémiku, diministrason públiku é rasponsávi pa konekta sidadons diretamenti ku puder pulítiku, spisialmenti ku Puder Izikutivu, u-ki ta fasedu pa mei di trabói di sirbidoris públiku na atendimentu di ntresis kuletivu diretamenti. Es atuason ta difrensia-l di lijislativu i di djudisiári.