Wp/kea/Di fatu

Izénplu di uzu kurétu di térmu di fatu, si kumó si kontrapozison ku di iuri, na rialidadi pulítiku di Ilia di Xipri

Di fatu, o di fakte (ki ben di spreson latinu de facto), ta siginifika na prátika; el é uzóde pa diskrebi prátikas ki ta izisti na rialidadi obujetivu, ndipendentimenti di es prátikas ser rakunxidu pa lei di un lukal o otu tipus di nórmas. Di es manera, el é un térmu ki sta na kontrapozison di térmu di djuri.

Izénplu: kuazi tudu país di mundu ta rakunxe ki Xipri é úniku Stadu suberanu na tutalidadi di Ilia di Xipri. Entritantu, kantu ta ozerbadu rialidadi obujetivu, di fatu — o di fakte, Xipri di Nórti tene suberania na térsu supirior di kel ilia, mésmu ki el é rakunxidu pa un úniku país di mundu, Turkia.