Wp/kea/Bubista

Lukalizason di Bubista na mapa di Kauberdi

Bubista é un di kes dés ilia ki ta konstitui arkipélagu di Kauberdi. El ta fase parti di grupu Barlavénte. El é un ilia dizértike ku un ária di 631,1 kilómetrus kodradu, u-ki ta fase-l tirseru más grandi ilia di Kauberdi.

Bubista é ilia ki ta fka más prósimu di kontinenti afrikanu, 450 km distanti di Senegal, sendu tiritóri más oriental di Kauberdi. Sal Rei, ki é si más grandi séntru urbanu, sta lukalizóde na noruésti di ilia. Bubista é kunxide, prinsipalmenti, pa si praias, tatarugas i muska tradisional.

Jografia

Bubista é tirseru más grandi ilia di Kauberdi, dispos di Sontonton ma Santiagu, ku un ária tutal di 631,1 km². El ta situóde na sul di Dja si Sal i na nórti di Djarmai. Grandi parti di es ilia é planu, mas el tene grandi nunbru di munts i roxede, kumó Munte Stanxa (ponte más ólte di es ilia ku 387 m), Rótxa Stanxa, Mor d'Area, Mor Negre, Munte Kasador, Pike Forkóde i Munte Vijia.