Wp/kea/Balkans
Balkans é un ária jográfiku di sudésti di Orópa ku bariadus difinison jográfiku i stóriku, ki ta kurusponde parsialmenti ku Pinínsula Balkániku, ki é banhóde pa Mar Adriátiku na si pursonnoroésti, pa Mar Jóniku na suduésti, pa Mar Ijeu na sul, pa stretus turku na lésti, i pa Mar Negru na nordésti. Frontera nórti di es pinínsula é difinidu di maneras bariadu. Pontu más ólte di Balkans é Musala, un muntanha lukalizadu na Bulgária ki ta atinji 2925 m.
Difinisons i fronteras
[edit | edit source]Pinínsula Balkániku
[edit | edit source]Pinínsula Balkániku é limitóde pa Mar Adriátiku na si banda oésti, pa Mar Mediteráni (nkluindu maris Jóniku ma Ijeu) i Mar di Mármara na sul, i pa Mar Negru na lésti.
Ta izisiti difrenti interpretasons sérka di kol é si limiti pa nórti, mas, jeralmenti, ta setadu ki es limiti sta na rius Danúbi, Sava i Kupa.
Balkans
[edit | edit source]Ta izisti munti difinisons kontrastanti sérka di kas país ta fasi parti di rijon kunxedu Balkans. Más grandi parti di difinisons ta kunsidera ki tiritóri integral di tudu es paízis sta na Balkans:
Partis tiritorial di es otus país tánbi sta nkluídu na Balkans:
- Grésia, parti kontinental
- Kruásia, ti rius Sava i Kupa
- Ruménia, rijon di Dubrudja di Nórti
- Sérbia, ti Riu Danúbi
- Turkia, rijon di Trásia Oriental
Len di es tiritóris, sobri kas ta izisti ralativu konkordánsa di ki es ta fasi parti di Balkans, txeu otu difinisons tánbi ta nklui, na es rijon, tiritóri ntegral di Kruásia, Ruménia ma Sérbia, i inda Slobénia (ti Riu Kupa). Pabia di fatoris kultural i stóriku, otu difinisons ta nklui ti mésmu Ungria ma Moldoba.