Wp/kea/Asenbleia di Vorms

Asenbleia di Vorms, tánbi kunxidu suma Diéta di Vorms, foi un asenbleia di Sakru Npéri Rumanu-Jermániku, rializóde na sidadi nperial libri di Vorms. Es tipu di asenbleia éra un órgon di diliberason formal i si disizons ta baleba pa tudu algen na npéri.

Martin Luter foi konvokadu pa es asenbleia, pa el ranunsia o riafirma si pontus di bista sérka di un bula papal di papa Lion X. Na si raspósta pa es kistionamentu, el difendi es pontus di bista i rakuza kolker ratratason. Kumó konsakuénsa, razultadu más npurtanti i mimorávi foi Dikrétu di Vorms sobri kes ideias di Martin Luter i ifetus di Rafórma Prutestanti.