Wp/kck/Windhoek

Windhoek idoropo gulu kakale linopinda whose matoropo aku Namibia. Windhoek inowangwa pakati ndapakati kwe Namibia kuntha ipehhugwi ye Khomas Highland, inoswika 1,700 metres (5,600 ft) bva mugungwa, koposa lizana ndapakati kwehango.bunji gwebanhu bose mudoropo le Windhoek nde 2020 bakabeli 431,000, zwibalo zwotanha mahhuba whose kutiwa ndebanhu banobva kuyimwe mitunhu ye Namibia.

Doropo leWindhoek lakapfumila pehhugwi kwentha yetshime tjemsenya wevula inopisa yaka izibhgwa kwazo ndetjitjaba tjakazwaligwa ipapo. Lakapfuma ndelubilo ndelubaka gwa Jonker Afrikaner, ntungamili we Orlam, wakaswika ekagala ko nde1840 ekabaka tshipi yemabhgwe, ebakila tjitjaba. Kumakole akatebela, kwakabe ndedzingwa ndemasole ayegala eyenda yenda esunga banhu kukathama bugalo gukabe sihhine, bupelo banhu bakapalalana. Windhoek yakabumbiwa gwebubili nde 1890 ndegubungano ye Imperial German Army Major Curt von François, hhapo hango yatjibe pasi kwemasimba eGerman Empire.

Windhoek idoropo linomilidza gadzana, dzimari ndepfumo, politiki, ndemilentje muhango yose yeNamibia. Ma ofisi makulu edziKhampani, anhabi dzahulumente, ezwikwele kene magubungano emilentje anowangwa mudoropo leWindhoek.