Wp/kck/Tjithembo

From Wikimedia Incubator
< Wp‎ | kckWp > kck > Tjithembo

Tjithembo tjimo tjendobolo yebakadzi banjinji, izila yotola bakadzi banjinji. Hhapa nlume wandobola bakadzi banopinda un' ompela, banolinga ndobugalo gwebanhu banoti i polygyny. Ma kulinkadzi wandobola balume banjinji ndelubaka koyi ipolyandry. Ma ndobolo ihanganisila balume ndebakadzi banjinji koyi igubungano yendobolo.

Ndobolo yebanhu babili inoyi monogamy. Zina linoti monogami londidzana ndelinoti tjithembo ngobe lingahingisiwa loga libva kumwe. Muzwidiyo zwedzemvelo ndemhuka , banopala zwidiyo banohingisa zina letjithembo bebva yezelana kene yezegwa ndebanjinji.

Muhango dzakasiyana, zwitjaba zwomilidza , kakale zwibvuma tjithembo kukobe ndezwimwe zwinolamba, zwisingabvume tjithembo. Muzwitjaba zwinobvuma, zwiwhamutjila tjithembo kobe kulipolygyny. Muwhalo inoti Ethnographic Atlas (1998), zwitjaba zwili1,231 zwina tjithembo tjepolygyny tjebanhu bali588 banogala bekuthama kukoti bali 453 banokuthama ndelubaka, 186 banhu banothama monogami kakale bali 4 bamupolyandry. Koga banopala ndezwidiyo zwendobolo bekati tjithembo tjepolyandry tjokula kwazo kupinda lubaka gwahhule. Muzwitjaba zwinothama tjithembo, banhu bakhona ndobunjinji mubugalo gwabo banosiyana mumihingo yabo.

Muzila yenlayo, hango dzinjinji hhapo ndobolo imunlayo imonogami (nhu whakamele abe ndenkadzi un' ompela, babili inlandu), bufebe abutapo munlayo, kothamba ke kuti tjithembo tjibvumigwe koga kusinha tjisungo tjinowhamutjila bamwe bakadzi.

Muzwidiyo zweSayensi, yezelana kwebanhu kwakamela tikala pakati kwebanhu babili koga. Kobva kuti tjithembo atjitohakika, muhango dzinjinji.