Wp/kck/TjiSwahili

From Wikimedia Incubator
< Wp‎ | kckWp > kck > TjiSwahili

TjiSwahili, gozibhgwa kakale ndezina lemabvilo linoti tji Kiswahili, lulimi gweBhantu kakale lulimi gwemabvilo ebanhu be Swahili. Lulimi gupehhugwi gwakabumbiwa ndedzimwe ndimi kuntunhu we African Great Lakes ndekudzimwe ntha dzekumaBhehhuba ndekuSouthern Africa, kuhanganisila Tanzania, Uganda, Rwanda, Burundi, Kenya ndedzimwe ntha dziku Malawi, Somalia, Zambia, Mozambique ndekuDemocratic Republic of the Congo (DRC). TjiComorian, lulimi gunolebelekewa ku Comoros Islands, kotongokumbiligwa kuti tjiComorian lulimi gupasi kwetjiSwahili, koga bamwe bantongi banobona lulimi gwakazwimila goga. TjiSheng lulimi gwakahangana tjiSwahili ndetjiNgisi, tjolembgwa kwazo kuKenya ndekudzimwe ntha dzeku Uganda.

Bunji gwebanhu banolebeleka tjiSwahili bose bakahangana, banotjilebeleka ndozwagwa kene bakatjidiyiwa abatozibhgwa kakale kophikisaniwa. Mikumbulo yakasiyana yokuti bangani yatjiposegwa mbeli, inosiyana kwazo imilikila mu100 miliyoni iyenda mu150 miliyoni. TjiSwahili lulimi gwehango kuhango dzinohanganisila DRC, Kenya, Tanzania, Uganda, ndeku South Sudan. TjiShikomor, lulimi gwehango ku Comoros kakale golebelekewa ku Mayotte (Shimaore), gondidzana ndetjiSwahili. TjiSwahili lulimi kakale kunohingisiwa mumihingo yegubungano yehango dzose dziku Africa ye African Union kakale lulimi gwakamilidzika gwakahanganisila dzimwe ndimi dzezwitjaba zwimu East African. Ndegole la 2018, ku Africa Burwa kwakasiwa munlayo diyiwa kwetjiSwahili muzwikwele zwiku South African selulimi gungadiyiwa ndebanoda milikila ndegole la 2020.