Wp/kck/Dombo

From Wikimedia Incubator
< Wp‎ | kckWp > kck > Dombo
Dombo leArarat, libonakala kuArmenia

Dombo tjibumbo tjeNdzimu tjinobe tjilimabgwe manjinji akayelekana tjilitjikulu kwazo. Anosiyana matombo ndobukulu. Dombo lilefu kupinda tombgwana. Matombo anobe po kukanyikinyika hango kene kukabe ndevolikhano. Nyikinyika kwehango komilidza mavu ndemabgwe apasi. Matombo anopela nentha yevula yenjizi, zwimo zwevula ndencibilika kwetjinho. Matombo mahomanana amile whoga koga matombo manjinji akabhatana elimafu kakale.

Bulefu gwematombo gothama kukapota kwazo kupinda kunamadamu makulu. Dzimepo dzinotonhola dzothama matombo ekapota, kukoti kumumatombo kunonga miti, mhuka ndekunotjila kukobe ndebulemo ndembaba. Akutolimiwa kwazo mumatombo ngobe mavu mahoma kakale ntha yakhona ayizothi tja. Matombo anohinga kwazo sentha yophumula ndezwilibazisa setanha matombo kene tjelela mumatombo.

Dombo lilefu kupinda whose muhango dzose loyi Mount Everest liku Himalayas kuAsia, lilefu kuswika 8,850 m (29,035 ft). Dombo lilefusa kupinda whose kumaplanethi whose iOlympus Mons liku Mars lilefu kuswika 21,171 m (69,459 ft).