Wp/kcg/Namibya

From Wikimedia Incubator
< Wp‎ | kcgWp > kcg > Namibya

A̱byin Namibya (Shong: Namibia /nəˈmɪbiə/, /næˈ-/),[1][2] á̱ lyen di̱ yorong ofisha hu nang Ri̱pobi̱lik Namibya wu (Shong: Republic of Namibia), yet a̱byin kya di̱ fam a̱byin A̱tak Afrika. Gak fam jenshyung hu hwa yet Kyai A̱sa̱khwot Ati̱lantik hu; ka̱ si̱ byia̱ a̱gi̱gak a̱byin ma̱ng Zambya ma̱ng A̱nggola di̱ fam a̱za hu, Botswana di̱ fam a̱tyin hu ma̱ng A̱tak Afrika di̱ fam a̱tak ma̱ng a̱tyin hu. Shimba ka̱ nwai byia̱ gak ma̱ng Zimbabwe, si̱ ku lat mita 200 (a̱ti̱tak 660) a̱zayak khwong A̱ghyui Zambezi di̱ fam a̱byin Botswana hu hwa ka̱u bibyin nfeang hu. A̱byin Namibya ku shyia̱ sa̱t mbwak A̱tak Afrika ma̱ a̱tuk mam 21 Zwat Tsat 1990, a̱wot lilyim Zwang cat Sa̱t Namibya ji ja. A̱keangtung ka ma̱ng a̱gba̱ndang a̱keang a̱ swak mi̱ shi wu wa yet Windhoek. Namibya yet a̱byin ka̱ yet memba Muná̱pyia̱ Bibyin Swanta (MBS), Sot Ya-a̱son A̱tak Afrika (SYA̱A) ji, Muná̱pyia̱ Bibyin Afrika (MBA) hu ma̱ng Mundundung Bibyin.

Tyiang a̱toot shi a̱byin Namibya
A̱lama a̱byin Namibya
Ta̱si̱la a̱byin Namibya

Ya̱fang

  1. Wells, John C. (2008). "Longman Pronunciation Dictionary".3 (Jhyu.). Longman. ISBN 978-1405881180.
  2. Roach, Peter (2011). "Cambridge English Pronouncing Dictionary". 18 (Jhyu.). Cambridge: Cambridge University Press. ISBN 978-0521152532.