Wp/kcg/Jami̱ni

From Wikimedia Incubator
< Wp‎ | kcg
Wp > kcg > Jami̱ni

A̱byin Jami̱ni ku Jamut (Jaman: Deutschland /ˈdɔʏtʃlant/; Shong: Germany), á̱ lyen di̱ yorong ofisha hu nang Ri̱pobi̱lik Mundundung Jami̱ni wu (Jaman: Bundesrepublik Deutschland /ˈbʊndəsʁepuˌbliːk ˈdɔʏtʃlant/; Shong: Federal Republic of Germany) a̱ni,[1] yet a̱byin kya di̱ fam a̱byin A̱ka̱wa̱tyia̱ Yurop. Kikya yet a̱byin ka ka̱ swak ma̱ng shi á̱niet mami Yurop lilyim a̱byin Roshiya, ma̱ng a̱si̱tet a̱ yet memba Muna̱pyia̱ Yurop wu a̱ byia̱ shi á̱niet a̱ swak a̱ni. A̱byin Jami̱ni shyia̱ tsi̱tsak Nkyai A̱sa̱khwot Ba̱ltik ma̱ng A̱za na di̱ fam a̱za hu, ma̱ng Ali̱pi wu di̱ fam a̱tak hu; ka̱ kup shi kyai a̱byin kilomita a̱ma̱ntanaai 357,022 (met a̱ma̱ntanaai 137,847), ma̱ng shi á̱niet ku swak miliyon 83 a̱ni mami a̱yaasi̱tet nka ba. Ka̱ byia̱ a̱gi̱gak a̰byin ma̱ng bibyin Denmak di̱ fam a̱za hu, Polan ma̱ng Ri̱pobi̱lik Cek wu di̱ fam a̱tyin hu, A̱sti̱riya ma̱ng Shwit di̱ fam a̱tak hu, ma̱ng Fi̱ransa, Lukza̱mbok, Beljiyom, ma̱ng Holan di̱ fam jenshyung hu. A̱keangtung a̱byin ka ma̱ng a̱gba̱ndang a̱keang a̱ swak ma̱ng shi wu wa yet Berlin, a̱keang Frankfot si̱ yet a̱ka̱wa̱tyia̱ naat mbwuot a̱ka̱kurum nka ka; a̱wot Fam A̱byin Ruhr hu si̱ yet sot a̱keang nka ji ji̱ swak mi̱ shi kyai a̱ni.

Tuta Jami̱ni
A̱lama a̱byin Jami̱ni
Ta̱si̱la a̱byin Jami̱ni

Ya̱fang

  1. Mangold, Max Jhyu. (2005). "Duden, Aussprachewörterbuch" (di̱n Jaman). Dudenverlag. (6). p. 271. ISBN: 978-3-411-04066-7.