Wp/kai/Zanjai ka Auyaku

Dindeno na la ina bai sai ayi a ka ta zanjai ka auyaku. To zanjai ka auyaku na tingenasu a fula wai, na tingenasu a fula wai, ka ba hnna yakara manga bai, muttan yakarasu a fula wai kawai, ka ba damfara nga bai. Shikenan sai na biti na biti, sai zanjai barhnni da a ka ta hnni da na la wala a markau su walanka marka �i ye su gamati kasu mikesu awe a fula wai. To ndanekau, sai zanjai da doku ta zanjai men ma yanate na rere, ma auyaku kuwa ndibkau men hnni a ka ta sabun. To ganyatansunakau a gi markau. Ndankam sai zabnasu a benu. Zabanasuku a benu, dusu kuwa yananekau dokun su wai a bo sabun wai kuwa a zinci ta rere. Kuma doku ma zanjai na kum�aci, doku ma auyaku kuwa na simeri. To ndenekau ransuku a benu, na ga�u ta ifisu, na ga�u ta ifisu, auyaku na meni ka ada kainko bai, sai nayi shiri ma muna �ai ma damfarasu ne, gi mandi sa ifiyi ye, sai ciri a zu ben ma akai, saka ya sai ciraka ifi, ngayam kuwa na zu gugutu ta men hnni. To akau njamtakau, sai ndala kwaro ndetu da to dama su mayakasu ne. Ndenekau burane ganga ma dan-dan-kirin, ku mento men yutaka ka dan-dan kirin kuwa tanka ka tikau a ben, ka gi ta fate bai, sai mukau faeke. To dukwane ganga, dukwane ganga. Raneka a benu tanka kasu, sai auyaku badi bi mandi sa cireke lim hnniíi. To eli ca�takau, sai fate hnni gazal. Anya sai tili dokuhnni ka ka ta sabun kula�, sai ayi a bai doku niya, zanjai tanka ka hnni, reneka �uri ya ka hnni fateka bai. Na gubuhnni na ruru, na gubuhnni na ruru, fatene daka-daka hnni. Ndenekau a naka doku ka zu zinci, zinci kuka dabe. Kafin bai doku hnni ma gubu tlanninki. Baene doku, doku na jo bai, karsha�-karsha� a zu yali. Zanjai dai tlaanehnni hande hnni sosai, Ndeneka a kwaro sai lamne baba auyaku a kwaro, sai da, ìNa barne yasi a muni fa, na barne yasi a muni sosai, na gubenesunakau.î Kane guba hnni. Ndenekau, sai auyaku wali a kwar ta Meto cirka kwitato. Cirne kwita ye waleneka ya na hau ta mento. Zanjai ikaye sai nayi boni ka aiku ma kwita, sai zanjai zaitu lewi hnni a asa yasi ka ca ta auyaku barahnni kwita. Lewi walikau, sai zabka kwita yi a bo hnni, sai zanjai limfati bo lewi sai da, ìKa waine menkayam kaye?î Da, ìKa ca ta baba auyaku.î Da, ìTo. aci na la.î Ndeneka a gi baba auyaku, da, ìTo, gi bandi ka waika menkaíi, ka la �alane a don mu wali.î Da, ìUm, um! Na waikau ka kwar ta Meto fa!î Da, ìAía! Kwar ta Metai ma, hnno na lano.î Da, ìTo, yeti shiri mu wali, amma sai ka girawa.î Jaga baa bai sai zanjai �alka yasi a zu gadlai hnni, sai zayi tabi a far ta baka hnni, sai dukwa tabi buk-buk-buk-buk, da sa kwakwayrako ma gaja da jagau baatakau. Ndenekau, sai auyaku da, ìOío, jaga baa bai!î Ndehnni sai da jagau baatakau, sai wali, to, bo kwarai. [Baba auyaku da], ìTo, bo kwarai [ma Meto] kafuna ye, sai ka �alu caca �elu, wai ma afe, wai ma fate.î Saida ndenekau, auyaku na don, sai da, ìBo kwaro anana warai!î Sai bo kwarai afatau. Bo kwaro afatakau, sai gaasu, sai da, ìBo kwaro ngirki