Jump to content

Wp/jax/Taman Nasional Bukit Duabelas

From Wikimedia Incubator
< Wp‎ | jax
Wp > jax > Taman Nasional Bukit Duabelas

Taman Nasional Bukit Duabelas (TNBD) atau Taman Nasional Buket Duobelas adolah taman nasional yang ado di Pulau Sumatra, tepatnyo di Provinsi Jambi dengan empat kabupaten, Batanghari, Sarolangun, Bungotebo, dan jugo Merangin.[1,2] Taman nasional iko merupokan kawasan pelestarian alam yang dipakek samo orang rimba atau Suku Anak Dalam (SAD) sebagai tempatyo tinggal. Luas taman nasional ko adolah 60.500 ha sesuai dengan Surat Keputusan Mentri Kehutanan dan Perkebunan Nomor: 285/Kpts-II/2000 tanggal 23 Agustus 2000 melalui Hutan Produksi Tetap Serengam Hilir (11.400 ha) dan juga area yang digunokan untuk hal lain sekitar 1.200 ha, dan terakher ado cagar biosfer Bukit Duobelas sekitar 27.200 ha.[1]

Sejarah

[edit | edit source]

Taman nasional seluas 60.500 ha iko sebenarnyo dulu pernah diusulin sebagai tempat lindungan dan jugo cagar biosfer. Hal iko diusulin samo bupati Sarolangan Bangko dan disetujui samo Gubernur Jambi dengan jadi hutan lindung dan jugo cagar biosfer. Tempat iko pun jadi tempat tinggal bagi orang rimba yang ado.[1]

Beberapo alasan yang menyebabkan usulan ko disetujui samo Gubernur Jambi adolah:

  • Kawasan taman ko merupokan habitat bagi banyak satwa liar yang sebenarnyo dilindungi dan jugo semakin kecik habitatnyo.[1]
  • Kawasan iko dihuni sekitar 900 orang rimba (SAD) yang mano kehidupannyo sangat bergantung samo kondisi hutan tesebot.[1]
  • Topografi dari pegunungan Bukit Duobelas ko agak curam dengan lerengnyo sekitar 0-20% dan jugo jenis tanahnyo adolah podsolik yang merupokan tanah sangat berpengaruh terhadap erosi. Dari topografinyo tu nampak kalo untuk masalah aek harus dipertahanin.[1]
  • Kehidupan SAD dan jugo kekayaan yang ado di taman ko sebenarnyo patut untuk dilestarikan dan jugo bagus untuk peningkatan ilmu pengetahuan dan kebudayaan.[1]

Suku Anak Dalam

[edit | edit source]

Hal yang idak biso nian dilepasin dari TNBD ko adolah Suku Anak Dalam (SAD) nyo. Taman nasional ko dikenal di tingkat nasional bahkan jugo internasional karno adonyo SAD ko. Orang SAD ko nyebot kalo TNBD adolah rumah bagi orang ko, karno merupokan daerahnyo nyari makanan, dan diok pun suko berinteraksi dengan alam. Dalam mencari kebutuhannyo, orang-orang ko biasonyo beburu babi, nyarik ikan, nyarik madu, dan jugo nyadap karet sehinggo biso dijual.[2]

Daftar Pustaka

[edit | edit source]
  1. 1.0 1.1 1.2 1.3 1.4 1.5 Taman Nasional Bukit Duabelas. Sejarah Kawasan. Diakses pada 21 Agustus 2021.
  2. Jambi Update. Jelajah Wisata Taman Nasional Bukit Duabelas Surga Bagi Orang Rimba. Diakses pada 21 Agustus 2021.