Wp/jax/Suku Anak Dalam

Dulu orang nyebutnyo Kubu, kini dak boleh lagi kerno dianggap ngejek. Suku Anak Dalam (SAD) ko penyebutan resmi dari pemerintah. Orang tu dewek lebih senang disebut "orang rimbo".

SAD tesebar di mano-mano di Sumatra Tengah (Jambi, Sumbar, Riau, Kepri), malah sampe pulo ke Sumsel. Tapi paling banyak di Jambi, terutamo di Taman Nasional Bukit Duabelas (TNBD).

Sekarang jumlah SAD dikiro-kiro ado 3000 orang, banyak dari orang tu yang lah nyatu dengan orang luar dan hidup moderen. Tapi dak sedikit yang meninggal gara-gara kerusakan alam kayak kebakaran hutan samo pembukaan lahan sawit. Kerno ruang hidup orang rimbo makin kecik, laju banyak yang dak biso nyari makan sampe mati kelaparan.