Wp/jax/Rendang

From Wikimedia Incubator
< Wp‎ | jax
Wp > jax > Rendang

Rendang atau randang (Jawi: رندڠ) adolah makanan asli Indonesia yang berasal dari Minangkabau. Makanan iko dimasak dalam waktu yang lamo dan jugo suhu yang rendah. Kalau udah matang, dagingnyo bewarnoitam pekat dan santan yang dipakek jadi dedak.[1]

Tahun 2011, rendang jadi peringkat petamo dalam daftar World’s 50 Most Delicious Foods (50 hidangan paling lamak di dunio) versi CNN International.[2] Pado tahun 2018, rendang resmi jadi salah sikok dari limo hidangan nasional Indonesia.[3]

Sejarah[edit | edit source]

Pado abad ke-14, orang Arab samo India datang ke Sumatra, tepatnyo di kawasan pantai barat dan tibonyo orang ko jadi awal mulo rendang ado. Rempah dan bumbu yang ado awalnyo dikenalin samo keduo negaro tu yang datang ke Indonesia.[4]

Abad ke-16, banyak orang Minang yang merantau ke daerah lain. Karno perjalanannyo yang makan waktu lamo yang harus lewat sungai, makonyo rendang jadi pilihan untuk bekal karno biso disimpan dan tahan lamo. Tapi, ado jugo yang bilang kalau rendang ko sebenarnyo adolah proses selanjutnyo dari kari. Bedanyo cuman karno kering jadinyo lebih awet daripado kari.[4]

Banyak orang nyebot kalo rendang berasal dari Malaysia, padahal rendang asli Indonesia. Pendapat ko tejadi karno banyak orang minang yang ngerantau ke Malaysia dan budak tu bikin rendang dalam bentok yang bedo.[4]

Daftar Pustaka[edit | edit source]

  1. Yuharrani Aisyah (30 Juni 2020). "4 Fakta Unik Rendang, Pencinta Masakan Padang Harus Tahu". Kompas.com. Diakses pada 18 Mei 2021.
  2. https://web.archive.org/web/20120516034927/http://www.cnngo.com/shanghai/life/cnngo-shanghai-going-grid-434856 World’s 50 Most Delicious Foods by CNN GO.
  3. Anggita Muslimah Maulidya Prahara Senja (10 April 2018). "Kemenpar Tetapkan 5 Makanan Nasional Indonesia, Ini Daftarnya". Kompas.com. Diakses pada 18 Mei 2021.
  4. 4.0 4.1 4.2 Lusiana Mustinda (30 Oktober 2019). "Rendang Berasal dari Minangkabau, Ini 5 Fakta Menariknya". detik.com. Diakses pada 18 Mei 2021.