Wp/jax/Musik dalam Islam

Alat musik macam bedug dan kentongan biasonyo dianggap ado hubungannyo samo Islam

Musik dalam Islam merujuk pado musik yang bekaitan ato yang mengatasnamokan Islam.

Hukum

Dalam penjelasan di literatur ulamak tedahulu, ulamak tu besepakat kalu hukum asal musik kuat nian kalu hukumnyo haram. Tapi, karno manusio la banyak berubah, orang la senang main musik, bahkan ado pulo ustat, kiyai, samo ulamak yang hobi main musik, mako banyak yang nganggap hukumnyo halal bae.^{(alm. 6-7)} Menurut ulamak, cuma beberapo keadaan be musik ni hukumnyo boleh dalam syariat, iolah ketiko ari rayo (idulfitri samo iduladha) dan ketiko walimahan nikah, itupun syaratnyo musiknyo cuman rebana tanpo kerincingan yang dimainin samo budak kecik perempuan yang belum balig.^{(alm. 73-76)}

Dalil haram

Cakap tekenyah

Di Al-Qur'an Allah befirman:

وَمِنَ ٱلنَّاسِ مَن يَشْتَرِى لَهْوَ ٱلْحَدِيثِ لِيُضِلَّ عَن سَبِيلِ ٱللَّهِ بِغَيْرِ عِلْمٍ وَيَتَّخِذَهَا هُزُوًا أُو۟لَٰٓئِكَ لَهُمْ عَذَابٌ مُّهِينٌ وَإِذَا تُتْلَىٰ عَلَيْهِ ءَايَٰتُنَا وَلَّىٰ مُسْتَكْبِرًا كَأَن لَّمْ يَسْمَعْهَا كَأَنَّ فِىٓ أُذُنَيْهِ وَقْرًا فَبَشِّرْهُ بِعَذَابٍ أَلِيمٍ ‎

"Dan di antaro manusio (ado) orang yang gunokan pecakapan tekenyah untuk nyesatkan (manusio) dari jalan Allah tanpo ilmu danjadikan jalan Allah tu ejekan. Orang tu pacak dapek azab yang hino. (6) Dan kalu dibacokan samo dio ayat-ayat Kami dio bepaling nyombongkan diri macam dak dengar, pekak macam ado sumbatan di keduo telingonyo; mako kasi kabar elok dio dengan azab yang pedih. (7)" (QS. Luqman:6-7)

Kalimat lahwal hadiits (pecakapan tekenyah) dalam ayat tu maksudnyo adolah nyanyian. Macam apo yang dikato Abdullah bin Mas'ud, Abdullah bin Abbas, Mujahid bin Jabr, Ikrimah, Ibnu Jarir At-Tabari, Al-Wahidi, As-Syaukani, dan Al-Qurtubi.^{(alm. 11-14)}

Untuk ayat ketuju, Ibnu Katsir bekato kalu orang la senang ngibur diri samo suling, nyanyi, dan musik, kalu dibacokan Al-Qur'an, orang tu bepaling macam orang pekak, sengajo dak dengar kerno ringam kalu Al-Qur'an tedengar, mako kasi kabar kalu orang-orang tu bakal keno azab yang hino pado ari Kiamat.^{(alm. 14-16)}

Nyanyian tu suumuudu

Di dalam Al-Qur'an Allah befirman:

أَفَمِنْ هَٰذَا ٱلْحَدِيثِ تَعْجَبُونَ وَتَضْحَكُونَ وَلَا تَبْكُونَ وَأَنتُمْ سَٰمِدُونَ فَٱسْجُدُوا۟ لِلَّهِ وَٱعْبُدُوا۟

"Mako apo kamu dak meraso heran samo berito ni? Dan kamu ketawo dan dak nangis sedang kamu lengah (saamiduun)? Mako sujudlah kamu samo Allah dan beribadahlah samo Dio." (QS. An-Najm:59-62)

Kato (سمدون) tu asalnyo dari (السمود) dari bahaso Yaman yang artinyo nyanyian dan mainan. Ibnu Abbas ngato kalu orang-orang tu dengar Al-Qur'an, orang-orang tu malah benyanyi dan bemain-main. Mujahid ngato jugo kalu artinyo adolah nyanyian.^{(alm. 16-17)}

Suaro iblis

Di dalam Al-Qur'an Allah befirman ke iblis:

وَٱسْتَفْزِزْ مَنِ ٱسْتَطَعْتَ مِنْهُم بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِى ٱلْأَمْوَٰلِ وَٱلْأَوْلَٰدِ وَعِدْهُمْ وَمَا يَعِدُهُمُ ٱلشَّيْطَٰنُ إِلَّا غُرُورًا ‎﴿٦٤﴾‏

"Dan perdayokanlah siapo be yang kamu sanggupi di antaro orang-orang tu dengan suaromu (shoutik), dan kerahkan terhadap orang-orang tu pasukanmu yang bekudo dan pasukanmu yang bejalan kaki dan besekutulah dengan orang-orang tu pada harto dan budak-budak kecil dan kasilah janji ke orang-orang tu. Padahal setan tu janjinyo tipuan bae." (QS. Al-Isra':64)

Mujahid bekato, yang dimaksud (صوتك) adolah nyanyian dan suaro suling. Ibnu Jarir At-Thabari ngato (بصوتك) artinyo adolah semuo suaro yang ngajak kepado nyayian dan bemain-main serto dak ngajak taat samo Allah.

Hiburan orang yang keno azab

Nabi Islam Muhammad pernah ngato:

لَيَشْرَبَنَّ نَاسٌ مِنْ أُمَّتِي الْخَمْرَ يُسَمُّونَهَا بِغَيْرِ اسْمِهَا يُعْزَفُ عَلَى رُءُوسِهِمْ بِالْمَعَازِفِ وَالْمُغَنِّيَاتِ يَخْسِفُ اللَّهُ بِهِمُ الأَرْضَ وَيَجْعَلُ مِنْهُمُ الْقِرَدَةَ وَالْخَنَازِيرَ

"Iyo nian, bakal ado orang-orang dari umatku yang minum khamr (minuman keras), orang tu ngasi namo dengan namo yang lain. Orang tu hiburannyo musik dan suaro biduanita, mako Allah bakal benamkan orang-orang tu ke dalam bumi dan Dio bakal ngubah bentuk sebagian orang-orang tu jadi monyet samo babi.^{(alm. 21-22)}

Di riwayat yang lain, Nabi Islam Muhammad pernah ngato,

ليكونن من أمتي أقوام يستحلون الحر والحرير والخمر والمعازف، ولينزلن أقوام إلى جنب علم يروح عليهم بسارحة لهم، يأتيهم ‏-يعني: الفقير‏- لحاجة، فيقولوا: ارجع إلينا غدا، فيبيتهم الله، ويضع العلم، ويمسخ آخرين قردة وخنازير إلى يوم القيامة

"Nian, bakal iyo nian, ado sebagian di kalangan umatku orang yang ngehalalin kemaluan (zina), sutera (buat laki-laki), khamr (minuman keras, mabuk-mabukan), dan alat-alat musik. Dan iyo nian, beberapo orang tu bakal tunak di lereng gunung samo ternak orang-orang tu, tibo datang orang fakir mintak bantuan ke orang-orang tu, laju orang-orang tu malah bekato, "Besok be balik lagi ke siko". Laju Allah ngasi sikso ke orang-orang tu, bis tu nimpokan gunung tu ke orang-orang tu dan Allah ngubah sebagian dari orang-orang tu jadi monyet samo babi sampek ari Kiamat."^{(alm. 22-23)}

Bikin ati keno penyakit munafik

Abdullah bin Mas'ud pernah bacakap,

الغناء ينبت النفاق في القلب

"Nyayian tu biso numbuhkan kemunafikan dalam ati"^{(alm. 86--87)}

As-Sya'bi pernah bekato, "Nyayian tu numbuhkan kemunafikan dalam ati macam mano aek numbuhkan tanaman, dan sesungguhnyo zikir numbuhkan keimanan dalam ati macam aek numbuhkan tanaman"^{(alm. 87)}

Ibnu Umar disuruh nutup telingo bilo dengar musik

Nafi' maula Ibnu Umar pernah cerito,^{(alm. 95--96)}

سمِعَ ابنُ عُمرَ صَوْتَ زَمّارةِ راعٍ، فوَضَع أُصبُعَيهِ في أُذُنَيهِ، وعَدَلَ راحِلَتَه عنِ الطَّريقِ، وهو يَقولُ: يا نافِعُ، أَتَسْمَعُ؟ فأَقولُ: نعَمْ، قال: فيَمضي، حتى قلْتُ: لا، قال: فوَضَع يدَيهِ، وأَعادَ الرّاحِلةَ إلى الطَّريقِ، وقال: رأيْتُ رسولَ اللهِ ﷺ وسمِعَ صَوتَ زَمّارةِ راعٍ فصَنَع مِثلَ هذا.

Ibnu Umar pernah dengar suaro seruling dari penggembala, laju dio nutup keduo telingo dio pakek duo jarinyo, sambil dio pindah nyari ke jalan yang lain, bis tu bilang "Nafi'! Masih tedengar dak (suaro suling) tu?" Sayo jawablah, "Masih." Laju dio terus la bejalan ke tempat lain sampek sayo bilang, "Lah dak tedengar suaro tu lagi." Barulah dio ngelepas duo tangannyo tadi dari telingonyo, dio balek lagi ke jalan tadi dan bekato, "Macam ni lah aku tengok Rasulullah ﷺ bilo dengar suaro seruling, beliau ngelakuin macam ni."^{(alm. 95--96)}

Dalil boleh

Nyanyi di ari rayo

Dalilnyo adolah hadis Aisyah, "Rasulullah masuk nemui Aisyah, sedangkan di dekatnyo ado duo anak kecik lagi mukul rebana (dalam riwayat lain: di dekatku ado duo anak kecik lagi nyanyi), mako Abu Bakar mekik keduonyo, laju Rasulullah ngato,^{(alm. 73)}

دَعْهُنَّ فَإِنَّ لِكُلِّ قَوْمٍ عِيْدًا، وَإِنَّ عِيْدَنَا هُذَا الْيَوْمُ

"Biakin be gadis-gadis tu, karno tiap kaum punyo ari rayo, dan ari rayo kito adolah ari ni"^{(alm. 73)}

Nyanyi waktu walimahan diiringi samo rebana

Nyanyi diiringi samo rebana waktu walimahan nikah, untuk ngumumin nikah samo ngasi motivasi biak ngelakuinnyo hukumnyo boleh, bedasarkan hadis. Nabi Islam Muhammad ngato,^{(alm. 74)}

 فصل ما بين الحلال والحرام الدف والصوت في النكاح

"Yang bikin beda antaro pekaro halal haram adolah rebana samo suaro dalam pernikahan (nyayian)"^{(alm. 74)}