Wp/jax/Lenong
Lenong adolah kesenian tradisional orang Betawi dari Jakarta, Indonesia. Penampilannyo diiringi musik samo lagu. Dulu orang-orang Betawi sering mentaskan lenong di acara nikah samo sunatan.
Sejarah
[edit | edit source]Kato Firman Muntaco, seniman Betawi, lenong lah jadi tontonan sejak tahun 1920-an. Mulonyo nampil di jalan-jalan, kayak orang ngamen. Isinyo lawak-lawak dak pake skenario.
Lamo-lamo, lenong mulai ditampilkan kerno pesanan pelanggan untuk acara-acara besak keluargo. Di awal kemerdekaan, akhirnyo lenong jadi tontonan panggung yang naik kelas.
Tahun 1970-an, lenong mulai muncul di TVRI. Orang-orang mulai kenal dengan pemain lenong macam Bokir, Nasir, Siti, dan Anen.
Macam-macam lenong
[edit | edit source]Ado duo macam lenong: lenong denes samo lenong preman.
Lenong denes
[edit | edit source]Denes diambek dari bahaso Betawi yang artinyo "dinas" apo "resmi". Pemain lenong denes biasonyo make pakean resmi. Contoh cerito lenong denes misalnyo Kisah 1001 Malam. Bahaso yang dipake adolah bahasa halus.
Lenong preman
[edit | edit source]Pakean pemain lenong preman idak diatur. Ceritonyo tentang kehidupan sehari-hari, bahasonyo juga make bahaso orang Betawi sehari-hari. Makin hari lenong preman ko lah yang lebih bekembang daripado lenong denes.