Wp/jax/Kue Kubang Boyo

Kue Kubang Boyo atau Kubang Buaya adolah kue basah tradisional yang berasal dari Jambi, Indonesia. Bahan dasar dari kue sikok ni adolah beras ketan yang diwarnoi jadi ijo pakek pandan. Isiannyo adolah kelapo samo gulo merah. Kue jugo disajiin samo kuah santan yang gurih dan menambah cito raso dari kue iko.

Namo kue ko memang unik dan bebedo samo namo kue yang lain. Sebenarnyo namo kubang boyo diambek dari bentok kuenyo dewek yang kayak kubangan boyo. Bentok kuenyo kayak buayo yang ado di dalam aek, bentok buayonyo dari kue ijo sedangkan kubangannyo dari santan.

Bahan Pembuatan

Bahan kolet

• 250 tepong beras ketan
• 100-150 ml aek
• ¼ sdt kapor sereh yang dilarutin di dalam 2 sdm aek
• Pasta pandan

Inti kelapo

• ½ kelapo parot
• 85 gram gulo merah, dipotong
• 85 gram gulo paser
• ½ sdt vanili
• ½ sdm tepong terigu

Kuah santan

• 500 ml santan encer
• ½ sdt garam
• 1,5 sdm tepong terigu

Caro Pembuatan

1. Sebelom buat adonan kolet, lebih baek buat dulu isiannyo karno proses bikin isiannyo lebih lamo daripado buat koletnyo. Langkahnyo petamo caeren dulu gulo paser dan kalau udah caer masukin parutan kelaponyo dan adok sampe rato. Tambahin vanili sampe adonan parotan kelaponyo berubah warno kecoklatan.
2. Masukin tepong beras ketan samo larutan pandan dan adok sampe jadi adonan jadi dan warnonyo ijo pastel. Kalau udah, bentok adonan jadi bulat-bulat sampe semuo adonan abes. Lalu, pipihin buletan yang udah dibuat tadi, dan masukin kelapo yang udah dibuat. Pado bagian permukaannyo tekan dan bentok kayak punggung buayo dan kokos.
3. Kuah santannyo dibikin dengan caro masukin santan samo bahan lainnyo di dalam sikok wadah. Lalu masak dengan caro diadok sampe matang. Usahokan waktu bikin kuah ko samo dengan waktu kokos kue.
4. Kalau semuo udah matang, masukin kue ijo yang bikin ke dalam wadah, lalu siram dengan kuah santan. Kue kubang boyo sudah jadi dan siap disantap.