Wp/jax/Kucica Ekor Kuning
Kucica Ekor Kuning adolah jenis borong yang masok ke dalam keluarga Muscicapidae. Di Indonesia lebih tepatnyo di Aceh, borong iko dikenal dengan namo cémpala kunèng. Idak cuman ado di Aceh, kucica ko jugo ado di Kalimantan. Habitat alaminyo adolah hutan dataran rendah yang lembap dan rawa-rawa di daerah subtropis atau tropis. Selain di Indonesia, kucica ko jugo ado di Brunei Darussalam, Malaysia, dan Thailand.[1] Saat iko, fauna sikok ni masok ke dalam daftar hewan terancam hampir punah oleh IUCN.[2]
Ciri-ciri[edit | edit source]
- Ukuran tubuhnyo biaso sedang sekitar 21 cm[1]
- Ekor panjang dan bewarno itam samo jingga[1]
- Kucica jantan hampir mirip dengan kucica hutan, tapi ekornyo bewarno merah karat dan idak terlalu panjang. Warnonyo pun dominan abu-abu gelap dengan alis yang pendek bewarno putih.[1]
- Kucica betino punyo warno yang lebih coklat, dan idak punyo alis bewarno putih.[1]
- Kucica kecik warnonyo lebih coklat dengan bintik kuning merah karat.[1]
Tempat Hidup[edit | edit source]
Kucica lebih suko idop di hutan yang lembab dan rimbun, temasok jugo hutan rawa. Borong sikok ni jarang ditemui di hutan rimbun primer dan sekunder dengan ketinggian sampe 1.200 mdpl.[1]
Daftar Pustaka[edit | edit source]
- ↑ 1.0 1.1 1.2 1.3 1.4 1.5 1.6 Kutilang Indonesia. Kucica Ekor Kuning. Diakses pada 6 Juni 2021.
- ↑ IUCN Red List. Rufous-tailed Shama. Diakses pada 6 Juni 2021.