Wp/jax/Dodol rumput laut
Dodol rumput laut ko salah satu produk kuliner tradisional khas Lombok, Nusa Tenggara Barat, yang dikenal jadi oleh-oleh populer buat wisatawan. Cemilan ko teksturnyo kenyal dangan raso yang manis.[1]
Asal usul
[edit | edit source]Dodol ko asalnyo dari daerah pesisir Lombok yang punyo sumber daya rumput laut melimpah. Dodol rumput laut terus berkembang jadi komoditas unggulan yang bantu ekonomi lokal. Dodol rumput laut, atau dikenal jugo namonyo Dodol Seaweed, merupokan salah satu produk pangan tradisional yang bahannyo dari rumput laut jenis Eucheuma cottonii.Jenis ko dipilih kareno ado kandungan kappa karagenan dangan proporsi amilopektin yang lebih tinggi dibanding Eucheuma spinosum, jadi dayo ikatnyo lebih kuat dan cocok nian diolah jadi dodol.
Dalam proses ngolahnyo, rumput laut biasonyo dikeringin dulu, terus diolah jadi bubur padat yang dicampur dangan gulo samo bahan pewangi. Adonan yang lah jadi tu terus dibungkus pakai plastik dangan bentuk khas dodol.[2]
Ngolah Dodol Rumput Laut (Eucheuma cottonii)
[edit | edit source]Dodol rumput laut ko salah satu produk olahan tradisional basis sumber daya pesisir yang makai rumput laut jenis Eucheuma cottonii jadi bahan utamonyo. Pas lagi ngolahnyo, dipakai 500 gram rumput laut yang dicampur dangan bahan tambahan kayak tepung ketan (100 gram), air (70 ml), gulo pasir (250 gram), santan (200 ml), vanili (Satu sendok teh), samo pewarno makanan.
Tahapan produksinyo dimulai dangan nyiapin bahan baku, terus dilanjutin dangan nyampur galo-galo komponennyo sampai jadi adonan yang merato (homogen). Nambahin tepung ketan gunonyo buat mperbaiki tekstur dodol supayo dak lembek, sekaligus ngatur sifat elastisitasnyo. Proses nyampurnyo dilakuin dangan meratiin kebersihan, misalnyo pakai sarung tangan supayo dak kotor.
Kalo adonan lah tercampur rato, tahap berikutnyo yoitu nyetak pakai loyang. Adonan diletak dilingkungan cetakan, terus dipadatin sampai ukurannyo samo rato. Adonan yang lah dicetak tadi didinginin dulu di suhu ruang kiro-kiro 30 menit. Proses pendinginan ko tujuannyo supayo teksturnyo padat dan mudah dipotong-potong sesuai bentuk yang kito mau.[3]