Wp/jax/Ciliwung
Ciliwung[1] adolah salah sikok sunge yang penting di Tatar Sundo, Jawo, Indonesia; utamonyo kerno ngelewati wilayah ibu kota, DKI Jakarta, samo sering bikin banjir tiap tahun di ilirnyo.
Panjang aliran utamo sunge ni sampe 120 km yang membentang dari selatan ke utara.[2][3] Sunge ni temasuk besak dan di sebelah ilirnyo dulu biso dilayari samo ketek kecik yang bawak barang jualan. Daerah yang dilewati Ciliwung adolah Kabupaten Bogor, Kota Bogor, Kota Depok, dan DKI Jakarta.
Ulu sunge ado di dataran tinggi yang teletak di antaro Kabupaten Bogor samo Kabupaten Cianjur, apo pasnyo di mato aek, Gunung Pangrango samo Telaga Saat yang letaknyo di lereng Pegunungan Jonggol sebelah utara Kawasan Puncak. Abis ngelewati sebelah timur Kota Bogor, sunge ni ngalir ke utara, di sebelah barat Jalan Raya Jakarta-Bogor, sebelah timur Depok, samo masuk daerah Jakarta sebagai batas alami wilayah Jakarta Selatan dan Jakarta Timur. Ciliwung bemuaro di daerah Luar Batang, dekat Pasar Ikan kini.[4]
Rujukan
[edit | edit source]- ↑ Namo aslinyo adolah Ci (Sd.: aek) Haliwung (Sd: butek) samo dikato dalam naskah Sunda "Bujangga Manik" (abad ke-15).
- ↑ "Peta Interaktif SIGAP Kementerian LHK". Ditengok pado 2025-08-22.
- ↑ Template:Wp/jax/Aut. 2008. Transboundary watershed management. A case study of upstream-downstream relationships in Ciliwung watershedTemplate:Wp/jax/Pranala mati. Proceedings of International Workshop on Integrated Watershed Management for Sustainable Water Use in a Humid Tropical Region, JSPS-DGHE Joint Research Project, Tsukuba, October 2007. Bull. TERC, Univ. Tsukuba, No.8 Supplement, no. 2, 2008
- ↑ BPDAS Citarum-Ciliwung. 2011. Penyusunan Rencana Tindak Pengelolaan DAS Ciliwung. Fakultas Kehutanan IPB dan BP DAS Citarum-Ciliwung, Kementerian Kehutanan RI. (tidak diterbitkan)