Wp/jax/Bahaso Belando

Bendera Belando ado tigo warno: Merah, Putih, samo Biru.

Bahaso Belando adolah bahaso nasional di negeri Belando, jugo salah sekok dari tigo bahaso resmi di Belgia. Bahaso ni jugo dipakek di Suriname samo di bebarapo daerah Karibia, macam Aruba, Curaçao, samo Sint Maarten. Bahaso Belando punyo kemiripan dengan bahaso Inggris samo bahaso Jerman, dan dipake jugo dalam kehidupan seari-ari samo urusan resmi di Belando. Bahaso ni dicakap 20 juta orang di seluruh dunio.

Penyebaran

Bahaso Belando utamo dipake di negeri Belando, Belgia (di wilayah Komunitas Flandria atau Vlaanderen), samo di Suriname. Bahaso ko jugo dipake di Aruba samo di Antillen Belando (bagian dari Kerajaan Belando, atau dalam bahaso Belando disebut Het Koninkrijk der Nederlanden). Di bagian barat Prancis samo beberapo bagian Jerman di daerah perbatasan jugo masih ado yang makek bahaso ni. Tigo daerah yang disebut di awal tadi samo Uni Bahaso Belando (De Nederlandse Taalunie, NTU, atau Akademi Bahaso Belando) dimasukkan jadi Bahaso Belando Utara, Bahaso Belando Belgia, samo Bahaso Belando Suriname. Di Afrika Selatan samo di Indonesia, bahaso Belando banyak dipakek jadi bahaso serapan. Banyak surat-surat lama samo tulisan hukum ditulis makek bahaso ni. Lebeh dari 10.000 mahasiswa di duo negara tu biso baco bahaso Belando.

Taun 2005, bahaso Belando la dipelajari di 40 negara, di 220 universitas, samo sekitar 500 dosen. Jerman jadi negara yang paling banyak punyo jurusan bahaso Belando, sekitar 30 jurusan, disusul samo Amerika Serikat samo Prancis di sekitar 20 universitas. Sekitar 0,7% wargo Selandia Baru ngaku kalo bahaso yang dipake di rumah adolah bahaso Belando. Di Pesatuan Eropa (Uni Eropa), sejak taun 2004, bahaso Belando jadi bahaso kedelapan yang paling banyak dipakek (selin Jerman, Prancis, Inggris, Italia, Polandia, Spanyol, samo Rumania). Sebelum taun 2004, bahaso ni termasuk bahaso keenam yang paling banyak dipakek.