Wp/jax/Arsitektur Batin

Arsitektur Batin adolah arsitektur tradisional suku Batin, Tabir, Rantau Panjang, Sarolangun Bangko.^{(alm. 10-11)}

Rumah tempat tinggal

Namo bangunan

Rumah kajang lako ato rumah tuo di daerah Rantau Panjang, Merangin.

Bangunan rumah tempat tinggal suku Batin yang ada di Rantau Panjang disebut jugo dengan istilah "Kajang Lako", karno bentuk dari bubungan rumah tu macam bentuk perahu, di mano keduo ujung bubungan bagian atas dilengkungkan ke atas, dan ke bawah belipat duo jadi bebentuk segitigo.^{(alm. 22)}

Katek namo khusus bangunan ni, tapi budak sano nyebutnyo rumah Lamo, karno rumah tu la dilingdungi samo adat. Kemungkinan besak ngapo budak situ nyebut rumah Lamo, karno menurut sejarah rumah tu la cukup tuo dan diperkirakan la beumur sekitar 400 tahun.^{(alm. 22)}

Tipologi

Kalu ditengok, rumah adat yang ado di dusun Lamo ini tipologinyo bebentuk bangsal, bentuknyo empat pesegi panjang dengan ukuran lebarnyo 9 meter samo panjangnyo 12 meter.^{(alm. 22)}

Rumah ko dibuat dalam bentuk empat pesegi panjang, biak mudah nyusun ruangan yang disesuaikan samo fungsinyo, karno pado lingkungan adat Marga Batin V dak telepas samo hukum-hukum agamo Islam. Contonyo kalu ado musyawarah adat, semuo lapisan masyarakat bakal hadir dan tiap orang ado ruangan dewek yang lah ditetapkan samo adat. Ruangan anak gadis samo anak mudo bejauhan. Anak gadis ado di ruang belakang sedangkan anak mudo di ruang muko (depan), cam tu jugo samo macam ruang budak betino yang la besak samo laki yang la besak.^{(alm. 22-23)}