Wp/jax/Abdul Hakim bin Amir Abdat

Abu Unaisah Abdul Hakim bin Amir Abdat adolah seorang penulis dan penceramah Salafi Indonesia. Dio dianggap sebagai salah satu tokoh agamo Islam yang bepengaruh di Indonesia.

Kehidupan awal

Dio cuma sekolah sampe SMP kelas 2. Sebab, orang tuonyo lah ngarahkannyo guno biso lebih konsentrasi bidang agamo. Pado taun 1980-an LIPIA baru dibuka, dio ikut daftar tapi ditolak karno dak do ijazah. Singkat cerito, kareno upayo keras dan bantuan dari maknyo yang sampai menemui pendiri lembaga tersebut yang ternyata masih ado hubungan keluargo, mako diterimolah Abdul Hakim di LIPIA walau dak katek ijazah sekolah resmi.

Abdul Hakim pernah belajar samo Syekh Muhammad bin Shalih Al-Utsaimin waktu dio ke Arab Saudi. Dio juga pernah cerito pengalamannyo duduk di majelis Syekh Utsaimin sekitar taun 1998.

Di perpustakan LIPIA jadi tempat pertemuan awal dio samo Yazid bin Abdul Qadir Jawas. Semenjak tu dan sampai sekarang ko, pertemanan keduonyo terjalin kuat, selalu bersamo, baik dalam dakwah dan keteguhan di manhaj salaf. Keduonyo pernah samo-samo bediskusi dengan beberapo kiyai yang diadokan di Jakarta untuk membahas masalah manhaj samo dakwah salafiyah. Waktu tu keduonyo masih mudo. Bahkan Abdul Hakim baru-baru (2018) ini ngawani Yazid ketiko di Masjid Imam Ahmad bin Hanbal di Bogor, tempat di mano Yazid sering ngadiokan kajian, diusik oleh sebagian orang yang dak suko samo dakwah sunnah, yang mano berakibat pelaporan ke badan hukum dan terjadi diskusi di sano, mako waktu tu Abdul Hakim ngawani kawan dekatnyo tu. Abdul Hakim duduk besebelahan dengan Yazid. Keduonyo dalam kondisi susah, senang, suko maupun duko.