Wp/isv/Zavisnost

Izobraženje pozitrono-emisijnoj tomografije mozga, ktoro sravnjaje metabolizm mozga zdravogo člověka i člověka s zavisnostju od kokaina.

Zavisnost jest nevropsihično razstrojstvo, ktoro harakterizuje se postojannym i intensivnym pobudženjem upotrěbiti narkotik ili sdělati dějanje, prinoseče prirodnu nagradu, bez obzira na značnu škodu ili ine negativne poslědstva. Povtorno upotrěbjenje narkotikov može izměniti funkcionovanje mozga v sinapsah, podobno prirodnym nagradam, takym kako jeda ili ljubov, takym putem, že u ljudij s prě-jestvujučimi ranimostami žedža shranjaje se i oslabjaje se samokontrola. Tutoj fenomen izměny funkcij mozga pod vplyvom narkotikov privedl k razuměnju zavisnosti kako razstrojstva mozga so složenoju različnostju psihosocialnyh i nevrobiologičnyh faktorov, ktore učestvujut v razvoju zavisnosti.

Klasične znaky zavisnosti vključajut kompulsivno vlěčenje k stimulam, prinosečim prijatnost, zavzetost substancijami ili postupanjem i prodolženje upotrěbjenja, bez obzira na negativne poslědstva. Navyky i modely postupanja, svezane s zavisnostju, obyčno harakterizujut se tutčasnoju voznagradoju so slučenjem odloženyh škodlivyh poslědstv.

Priměrami zavisnosti od substancij sut alkoholizm, zavisnost od konopje, zavisnost od amfetamina, zavisnost od kokaina, zavisnost od nikotina, zavisnost od opiatov, jedanje ili zavisnost od jedy. Postupateljne zavisnosti mogut vključati hazardnu zavisnost (ludomaniju), zavisnost od pokupok, stalking, zavisnost od pornografije, zavisnost od socialnyh mrěž, zavisnost od videoigr i seksualnu zavisnost.

Iztočniky

• Tutoj članok imaje prěvod iz članka «Addiction» v Vikipediji na anglijskom (spis avtorov; dozvoljeńje CC BY-SA 4.0).