Wp/isv/Wernyhora (obraz Jana Matejka)

Wernyhora

Artist	Jan Matejko
Rok	1884
Sposob	Olej na platnu
Dviženje	Historičny simbolizm
Razměr	292 cm × 202 cm
Nahodi se v	Narodnom muzeju v Krakovu

Wernyhora (ine nazvyː Lirnik, Proročstvo ukrajinskogo lirnika) – jest obraz olejny namaljevany polskym maljarom Janom Matejkoju v 1884 roku, naleži v sobranju Galerije poljskoj narodnoj umětnosti XIX stolětja v Sukiennicah, ktora jest odděl Muzeja narodnoj umětnosti v Krakovu.

Opisanje

Ukrajinsky poet-prorok i lirnik Vernygora, živši vo vtoroj polovině XVII stolětja (suglasno něktorym studiovateljam, je byl legendarnoju figuroju, proizhodečeju iz ukrajinskyh narodnyh basnjij), jest proslavjeny blagodareči jegovym političnym proročstvam o sudbah Rěči Pospolitoj i Ukrajiny, v ktoryh on prědviděl kozačske povstanja, razděl Poljsky, neuspěh nardono-osvoboditeljnyh povstanij i ponovno dobytje nezavisnosti Poljsky. Podčas razdělov Poljsky, a takože v periodu optimističnoj věry v vozrodženje Rěči Pospolitoj, prědviděnja Vernygory byli mnogo popularne, a on sam je stal herojem malarskyh i literarnyh tvorb.

Jan Matejko prědstavil Vernygoru s pravoslavnym križem na grudi kako glavnogo heroja v momentu jegovoj proročskoj inspiracije. Jego masivnu figuru, s rukami voznesenymi v dramatičnom gestu, poddrživajut mlada ukrajinka v narodnom ukrajinskom oblačenju i mlady kozak. U jego nog leži kolova lira, kak simbol značimosti pěsnjej, hranečih pamet o historije poljskogo naroda. Nad glavoju vozhodi měsec, ako by zlaty nimb, ukazyvajuči na jego izbrannost i duhovnost kak "člověka božjego". Bělo-črveno oblačenje simbolizuje jego propoljske politične ubědženja.

Vněšnje linky

• Tutoj članok imaje prěvod iz članka «Wernyhora» v Vikipediji na poljskom jezyku (spis avtorov; dozvoljeńje CC BY-SA 4.0).