Wp/isv/Volter

Volter
Portret	Portret napisany okolo 1720 goda.
Rodil se	François-Marie Arouet 21 novembra 1694 Pariž, Francija
Umrl	30 maja 1778 (83 goda) Pariž, Francija
Město pogrebenja	Panteon, Pariž
Literaturno dviženje	Klasicizm
Značime tvorby	Kandid, Orleanska děvica, Stolětje Lui XIV
Era	Doba Prosvěčenja
Region	Zapadna filozofija, Francuzska filozofija
Škola	Lumières, Deizm, Klasičny liberalizm
Glavne interesy	Politična filozofija, literatura, historiografija, bibličny kriticizm
Značime ideje	Filozofija historiji, svoboda religije, svoboda slova, oddělenje crkvi od državnoj vlady
Podpis

François-Marie Arouet (21 novembra 1694 – 30 maja 1778), znany po jego nom de plume kako Voltaire, byl francuzsky pisatelj epohy prosvěčenja, filozof, satirist i historik. Znamenity za jego ostroumje i jego kritiku Hristijanstva (osoblivo Katoličskoj crkvi) i rabstva, Volter byl propagatorom svobody slova, svobody religije, i oddělenja crkvi i državnoj vlady.

Volter byl mnogostrannym i plodovitym, izdavšim tvorby praktično vo vsih literaturnyh žanrah, vključajuči spektakle, poemy, romany, eseje, historije i až naučne ekspozicije. On napisal vyše než 20,000 pism i 2,000 knig i pamfletov. Volter byl jednym iz prvyh avtorov, ktori stali komercialno uspěšnym i znamenitym vsesvětsko. On byl aktivnym propagatorom gradžanskyh prav i postojanno nahodil se pod rizikom strogogo cenzurovanja so strany katoličskoj francuzskoj monarhije. Jego polemika izniščajuči izsmějivala netrpimost i religioznu dogmu, a takože francuzske spoločne instituty toj doby. Jego najvyše znana tvorba i magnum opus jest Kandid, – jest romanom, ktory komentuje, kritikuje i izsmějivaje mnoge javjenja, mysliteljev i filozofije jego časa, najmě Gotfrida Lejbnica i jego věru, že naš svět po nudže jest "lepšim iz vsih možlivyh světov".

Iztočniky

Tuty članok imaje prěvod iz članka «Voltaire» na anglijskom (spis avtorov; dozvoljeńje CC BY-SA 4.0).