Wp/isv/Vladislav Rejmont

Vladislav Stanislav Rejmont
Władysław Stanisław Reymont
	Rejmont v 1924
Rodil se	Stanisław Władysław Rejment; 7 maja 1867; Kobělje Věljke
Umrl	5 dekembra 1925; Varšava
Podpis

Vladislav Stanislav Rejmont (* 7 maja 1867, Kobělje Věljke (pol.: Kobiele Wielkie) - † 5 dekembra 1925, Varšava) - poljsky pisatelj. Lavreat Nobelovoj Nagrady v oblasti literatury v 1924 godu za roman "Seljani" (pol.: "Chłopi"). Jedin s najdostojnějših i najvažnějših pisateljev v historiji poljskoj literatury. Jedin iz glavnyh prědstaviteljev realizma s elementami naturalizma v prozě Mladoj Poljsky.

Životopis

Jego otec Jozef Rejment iměl muzikalnu edukaciju i byl organistom. Roditelji htěli, aby Vladislav takože stal organistom. Odklonil hodženje do škol, često izměnjal profesije, žilišča, mnogo putoval po Poljskě i Evropě. V godah 1880-1884 učil se profesiji krojača v Varšavě. S tvorby literarnoj podtrimyval se od 1894, odkogda počel žiti v Varšavě, jednako svoje prve poemy pisal už v 1882.

15 julija 1902 oženil se v Krakově.

13 novembra 1924 Reymont dostal Nobelovu Nagradu^[1], ale ne uspěl odbrati jej s obzirom na zlo stanje zdravja^[2]. 1 maja 1925 pristupil do Poljskoj Seljanskoj Partije "Piast" (pol.: "Polskie Stronnictwo Ludowe <<Piast>>").

Vladislav Rejmont byl svědkom revolucije 1905 godu. Svoje observacije strajka i demonstracije v Varšavě, opisal medžu inymi v tekstu Listy iz zapisnika (pol.: "Kartki z notatnika") v jednoj iz varšavskyh gazet.

Umrl 5 dekembra 1925 godu v svojem apartamentu.

Tvorba

Seljani

Roman byl tvorjeny v godah 1902-1908. Skladaje se iz četyreh tomov, každy jest nazvany vrěmenem godu, roman začina se od jesenji. Sodrživa realističny obraz dnevnogo života seljanov. Napisana jest specifičnym, razgovornym jezykom. Opisyvaje on žitje spoločnosti vo selu Lipce, v ktorym opisane sut motivy afer, prědavstva i konfliktov.

Roman Rejmonta navezyvaje do zainteresovanja seljanskoju energijeju, prirodnostju i prostostju žitja, harakterističnogo dlja mnogo děl i romanov s početka XX věka, poněkogda imenovany "seljanomanija" (pol.: "chłopomania").

Izbrane romany

Komediantka (pol.: "Komediantka", 1896)
Lili: žalostna idila (pol.: "Lili: żałosna idylla", 1899)
Spravědlivo (pol.: "Sprawiedliwie", 1899)
Seljani (pol.: "Chłopi", 1904-1909)
Mečtatelj (pol.: "Marzyciel", 1910)
God 1794 (pol.: "Rok 1794", 1914-1919)
- Čest I: Poslědnji Sejm Republiky (pol.: "Ostatni Sejm Rzeczypospolitej")
- Čest II: Nil desperandum
- Čest III: Metež (pol.: "Insurekcja")
Vampir (pol.: "Wampir", 1911)
Prisega (pol.: "Przysięga", 1917)
Bunt (pol.: "Bunt", 1924)

Linky

↑ "NobelPrize.org, nagroda za 1924 rok" (na anglijskom).
↑ "Władysław Reymont – nagroda Nobla, która przyszła nie w porę". PolskieRadio.pl (na poljskom). Data dostupa: 14 mareca 2020.

Vněšnje linky

Tutoj članok imaje prěvod iz članka "Władysław Reymont" v Vikipediji na poljskom (spis avtorov; dozvoljenje CC BY-SA 4.0).

[1] "NobelPrize.org, nagroda za 1924 rok" (na anglijskom).

[2] "Władysław Reymont – nagroda Nobla, która przyszła nie w porę". PolskieRadio.pl (na poljskom). Data dostupa: 14 mareca 2020.

[1]

[2]