Wp/isv/Viktor Coj
.jpg)
Víktor Róbertovič Coj (rodžen je 21 junja 1962 v gradu Leningrad — poginul 15 avgusta 1990 leta na 35 kilometru trasy R-126 Sloka-Talsi Tukumskogo rajona Latvijskoj SSR) — jest sovětsky rok-muzykant, avtor i pěvak pěsnej korejsko-ruskogo proizhodženja.
Tvoritelj i lider muzykalnoj grupy "Kino" (rus.: "Кино"), ktora ranje imala nazvu "Garin i Giperboloidy" (rus.: "Гарин и Гиперболоиды"). Jest jedin iz najvlivnyh i znanyh sovětskyh rok-muzykantov. Jegova grupa "Kino" razpustila se poslě jegovoj smrti.
Jegova grupa "Kino" porodila fenomen "kinomaniju" i dostatočno dolgo vrěme jest popularna.
On takože je byl akterom v filmah. Najznany film, v ktorom on byl, — film Rašida Nugmanova "Igla" (rus.: "Игла") v rolji Móro, poslě ktorogo sovětsky žurnal "Sovětsky ekran" (rus.: "Советский экран") narěkl Coja najlěpšim akterom 1989 leta.
15 avgusta 1990 leta Viktor Coj poginul v avtomobilnoj avarije na 35-om kilometru trasy R-126 Sloka-Talsi Tukumskogo rajona Latvijskoj SSR.