Wp/isv/Trgovanje

Trgovanje – odděl ekonomije i ekonomiky, vid ekonomičnoj dějateljnosti, objektom, poljem dějanja ktoryh jest obměn tovarov i uslug, kupovanje-prodavanje tovarov, a takože obsluženje kupovateljev v procesu prodavanja tovarov i jih dostavjanja, shranjenje tovarov i jih prigotovjenje k prodavanju. V veče širokom smyslu, to jest komercija, vsečto odnosi se k kupovanju i prodavanju tovarov i uslug.

Wojceh Gerson, Gdansk v 17-om stolětju. 1865 rok.

Trgovanje podrazuměvaje prědavanje tovarov i uslug od jednogo člověka ili organizacije drugomu, često v obměn na groše. Ekonomisti imenujut sistemu ili mrěžu, ktora dozvoljaje trgovati, trgom.

Trgovci obyčno dogovarjajut se, posluživajuči se kreditom ili srědstvom obměna, napriklad grošami. Ačekoli něktori ekonomisti harakterizujut barter (to jest trgovanje prědmetami bez koristanja grošev), kako rannju formu trgovanja, groše byli izmysljene do početka pisemnoj historije. Slědovateljno, kaka-libo historija o tom, kako vprvo pojavili se groše, glavno je osnovana na domyslah i logičnyh izvodah. Kreditne pisma, papirne groše i nefizične groše značimo uprostili i pobudili trgovanje, ibo kupovanje može byti odděljeno od prodažy ili zarabotka. Trgovanje medžu dvoma trgovcami nazyvaje se dvustrannym trgovanjem, togda kako trgovanje s učestjem dvoh i vyše trgovcev imenuje se mnogostrannym trgovanjem.

Iztočniky

• Tutoj članok imaje prěvod iz članka «Trade» na anglijskom (spis avtorov; dozvoljeńje CC BY-SA 4.0).