Wp/isv/Titlo

Titlo (  ҃  ) jest diakritičny znak upotrěbjeny v glagoličnyh i starokiriličnyh rukopisah na starocrkovnoslovjanskom, crkovnoslovjanskom i starovozhodnoslovjanskom jezykah. Ono najčestěje izgledaje kako zigzag-linija nad tekstom: kratka črtka vvrh, dolžejša padajuča ili horizontalna linija, kratka črtka vvrh. Poněkogda ono izgledaje kako ležeča zatvorka nad tekstom: kratka črtka vvrh horizontalna linija, kratka črtka vniz. Slovo «titlo» jest srodny s slovom «tilda», označajučim podobny diakritičny znak.

Titlo imaje razne funkcije, zavisno od konteksta:

• Za odličenje starokiriličnyh čisl od bukv. V slučaju dolžejših čisl stavilo se ili titlo nad vsakoju bukvoju, ili jedno dolgo titlo nad cělym čislom, ili (od 19. stolětja) nad prědposlědnjeju bukvoju. Napriklad: ·д҃· «4», ·҂аѱ҃ѕ· «1706».
• V skračenjah, prěd vsim v skračenjah svetyh imen (nomina sacra), napr. Бг҃ъ «Bog», гл҃етъ (od глаголетъ) «govori».
• Za popravjenje pogrěšky pri pisanju, kogda pisatelj zabyl jednu bukvu i ne bylo město za vstavjenje.

Starocrkovnoslovjanske čisla

Često upotrěbjene skračenja v crkovnoslovjanskom

Varianty

Kromě obyčnogo i dolgogo titla, v crkovnoslovjanskom takože upotrěbjene byli prinajmenje pet variantov:

• 
  Slovo-titlo
• 
  Dobro-titlo
• 
  Rci-titlo
• 
  Glagolj-titlo
• 
  On-titlo

Kodovanje

Kodovanje		◌҃	◌︮	◌︦	◌︯
Nazva v Unikodu		COMBINING CYRILLIC TITLO	COMBINING CYRILLIC TITLO LEFT HALF	COMBINING CONJOINING MACRON	COMBINING CYRILLIC TITLO RIGHT HALF
Unikod	šestnadseterična sistema	U+0483	U+FE2E	U+FE26	U+FE2F
	deseterična sistema	1155	65070	65062	65071
HTML	šestnadseterična sistema	҃	︮	︦	︯
	deseterična sistema	҃	︮	︦	︯