Wp/isv/Storge
Storge (s.-greč. στοργή) abo rodinna ljubov, jest naturalna abo instinktivna privezanost[1], napriklad, ljubov roditelja do dětij i naopak.
Měra
«Storge» jest sila širokogo spektra, ktora može projavjati se medžu členami rodiny, domašnjimi životinami i jihnymi vlastnikami[2], prijateljami abo kolegami. Ljubov do krajiny, nacije abo sportivnoj komandy takože možno prijmati za storge[3].
«Storge» može kombinovati se s drugymi vidami svezev, takymi kako strastna ljubov abo družba, i ukrěpjati jih[4]. Takto, «storge» može byti občim terminom za označenje ljubvi medžu blizkymi prijateljami i jihnogo želanja dbati jedin za drugogo[5].
Ljubov storge
Poněkogda tutoj termin koristaje se za označenje ljubvi medžu suprugami, ktori sut věrni jedin drugomu i planujut dolge odnošenja, osoblivo kako fundamentalne odnošenja poslě početkovogo interesa (limerencije).
Druga interpretacija slova «storge» jest opis seksualnyh odnošenij medžu dvoma ljudami, ktore postupno prěrastli iz družby[1] — zaljubjeni ljudi prěživajuči storge, ne mogut pravdivo izznačiti moment, kogda družba je prěrastla v ljubov[6]. Taki ljudi najprvo sut prijateljami; družba i storge mogut shranjati se navet poslě konca odnošenij[1]. Oni hčut, že by jihni partneri byli takože jihnymi lěpšimi prijateljami. Oni izbirajut sobě partnerov suglasno podobnym cěljam i interesam — to jest homogamija.[7] Storgični ljubovniki pridavajut veliko značenje obvezkam i mněvajut, že jihna motivacija izběgati nevěrnosti zaključaje se v shranjenju dověrja medžu dvoma partnerami. Děti i supružstvo razgledajut se kako legalne dolgotrajne cělje jihnyh odnošenij[8], togda kak strastna seksualna intensivnost imaje menše značenje, neželi v drugyh stilah ljubvi[9].
Izgody
Izgodami storgičnoj ljubvi mogut byti, věrojetno, to, koliko silno zaljubjeni ljudi ljubet svoje rodiny i razumějut jedin drugogo. Kromě togo, dva člověki, cělkovito oddani jedin drugomu, mogut odčuvati tu blizkost, ktora jih svezyvaje.
Žrla
- 1 2 3 Strong B, Yarber WL, Sayad BW, Devault C (2008). Human sexuality: diversity in contemporary America (6th izd.). New York: McGraw-Hill. str. 228. ISBN 978-0-07-312911-2.
- ↑
Bodson, Liliane (21 julija 2005) [2000]. "Motivations for pet-keeping in Ancient Greece and Rome: a preliminary survey". V Podberscek, Anthony L.; Paul, Elizabeth S.; Serpell, James A. (red.). Companion animals and us: exploring the relationships between people and pets (reprint, revised izd.). Cambridge University Press. str. 35. ISBN 9780521017718. Data dostupa: 17 mareca 2025.
[...] the feeelings identified by the owner in his or her animal were called στοργή. This term, literally 'affection', acquired the meaning 'filial' or 'brotherly affection' when applied to children (and 'parental affection' if applied to parents). In the context of pet-keeping, it compared the animals' attitudes towards their masters to the affection either of children towards their parents, or of sisters and brothers towards each other.
- ↑
Vareekal, George (28 mareca 2022). Aspects of Romantic Love: Perceptions on Love and Marriage. Notion Press. ISBN 9798885554138. Data dostupa: 17 mareca 2025.
Storge is love related to familiarity, dependence and relationship. The love that exists petween parents and children and among childhood friends and companions, love for a particular country, people, or a cricket or football team etc. are examples of Storge.
- ↑ Hooper, p. 370.
- ↑ B. Strong et al., The Marriage and Family Experience (2010) p. 150.
- ↑ Family Experience p. 149
- ↑ C. Gottschalk, How to Heal After Heartbreak (2013) p. 252
- ↑ J. S. Greenberg, Empowering Health Decisions (2013) p. 234
- ↑ Gottschalk, p. 252
Vněšnje linky
- Tutoj članok imaje prěvod iz članka «Storge» v Vikipediji na anglijskom (spis avtorov; dozvoljenje CC BY-SA 4.0).
