Wp/isv/Socialna neravnost

"Portret dětij Sera Franciska Forda davajučih monetu prosečemu mladcu". William Beechey, 1793.

Socialna neravnost pojavjaje se kogda resursy v spoločnosti sut razpoděljene neravno, često v rezultatu nespravedlivoj praktiky razpoděljenja, ktora stvorjaje jasne neravne modely, osnovane na kategorizaciji ljudij po socialnomu priznaku. Različja v dostupu k socialnym blagam vnutri spoločnosti sut zavisne od takyh faktorov, kak vlada, religija, rodstvo, prestiž, rasa, etnično prinaležanje, pol, vozrast, seksualna orientacija, intelekt i klas. Socialna neravnost obyčno označaje neravnost rezultatov, ale takože može konceptualizovati se kak odsutstvo ravnosti v dostupu k možnostam.

Socialna neravnost obyčno jest svezana s ekonomičnoju neravnostju, ktora obyčno razgledaje se kak osnova neravnoměrnogo razpoděljenja dohodov ili bogatstva. Hoti ekonomika i sociologija, kak pravilo, posluživajut se različnymi teoretičnymi podhodami za izučenje i objasnjenje ekonomičnoj neravnosti, obědvě discipliny aktivno zajmajut se jej izučenjem. Socialne i prirodne resursy, pomimo resursov ekonomičnyh, takože razpoděljene neravnoměrno v večinstvu spoločnostij i mogut vlivati na socialny status. Normy razpoděljenja takože mogut vlivati na razpoděljenje prav i privilegij, socialnu vladu, dostup k spoločnym blagam, takym kak sut edukacija, sudna sistema, adekvatno i dostatočno žilišče, transport, kredity i finansove uslugy, i ine socialne blaga i uslugy.

Socialna neravnost formuje se pod vlivom reda strukturnyh faktorov, takyh kak sut geografično položenje ili status gradžanstva, i često jest podkrěpjena kulturnymi diskursami i oprěděljenjem identičnosti, napriměr, «zasluživajut» ili «ne zasluživajut» bedni ljudi jihno položenje. Razuměnje socialnoj neravnosti često podčrkyvaje važnost togo, kak prědsudja projavjajut se v spoločnosti.

Vněšnje linky

• Tutoj članok imaje prěvod iz članka «Social inequality» v Vikipediji na anglijskom (spis avtorov; dozvoljeńje CC BY-SA 4.0).