Wp/isv/Sigmund Freud
| Zigmund Frojd Sigmund Freud | |
|---|---|
 Frojd v 1922 roku | |
| Biografija | |
| Ime pri rodženju: | Sigismund Schlomo Freud |
| Rodil se: | 6 maja 1856 Přibor, Avstrijska imperija |
| Umrl: | 23 septembra 1939 (83 roka) London, Velika Britanija |
| Stupenj: | Doktor mediciny (MD) |
| Akademičska dějatelnost | |
| Sfera: | Psihoanaliza, Psihologija, Nevrologija |
| Alma-mater: | Vidensky universitet |
| Učeniki: | K. G. Jung, Alfred Adler |
| Značime ideje | |
| |
| Podpis | |
 | |
Zigmund Frojd (něm.: Sigismund Schlomo Freud; 6 maja 1856 - 23 septembra 1939) byl avstrijsky psiholog, psihoanalitik, psihiatr i nevrolog evrejskogo pohodženja. Frojd je najvyše znany kako osnovatelj psihoanalizy, ktora okazala značitelny vliv na psihologiju, medicinu, sociologiju, antropologiju, literaturu i umětnost XX stolětja.
Pogledy Frojda na prirodu člověka byli novatorskymi za jego času i na proteženju vsego života psihologa, jego tvorby izzyvali rezonans i kritiku v naučnom spoločenstvu. Interes k jego teorijam ne ugasaje i tutčasno.
Srěd dosegnenjev Frojda najvyše značime sut razvoj trěhkomponentnogo strukturnogo modela psihiky (skladajuči se iz "Ono", "Ja", "Nad-Ja"), udělenje specifičnyh faz psihoseksualnogo razvoja ličnosti, stvorenje teorije Odipovskogo kompleksa, nahodženje funkcionovajučih v psihikě obrannyh mehanizmov, psihologizacija termina "nesvědomo", nahodženje prěnesenja, a takože razvoj terapevtičnyh metodik, kako metoda svobodnyh asociacij i prětolmačenje snoviděnjev.
Bez obzira na neosporimy vliv idej i ličnosti Frojda na psihologiju, mnogi studiovatelji mnějut jego tvorby intelektualnym šarlatanstvom.
Iztočniky
Tuty članok imaje prěvod iz članka «Sigmund Freud» na anglijskom (spis avtorov; dozvoljeńje CC BY-SA 4.0).