Wp/isv/Sěverozapadny marijsky jezyk
 | |
| Obča informacija | |
|---|---|
| Ozemja | Rosija |
| Govoritelji | okolo 7 000 (2010)[3] |
| Pismo | |
| Jezyčna rodina | |
| Jezyčne kody | |
| ISO 639-1 | nema |
Sěverozapadny marijsky jezyk (Sěverozapadno (větlužsko) narěčje marijskogo jezyka; sěv.-zap. mar.: йөтнӫмӓл-кӓсвел маре йӹлмӹ) — jezyk sěverozapadnyh marijcev, pisemny jezyk na osnově sěverozapadnogo narěčja marijskogo jezyka. Jest razprostranjeny v Jaranskom, Tužinskom, Kiknurskom, Sančurskom okrugah Kirovskoj oblasti, Tonšajevskom, Šarangskom i Tonkinskom okrugah Nižegorodskoj oblasti, Jaranski govor jest takože razprostraněny na sěverě Kilemarskogo i Medvedevskogo okrugov Republiky Marij El. Ni v jednom iz subjektov Rosijskoj Federacije ne imaje statusa oficijalnogo jezyka. Zajedno s gorskomarijskym jezykom zajimaje zapadne regiony razprostranjenja marijskyh jezykov.
Sěverozapadny marijsky jezyk ovladaje něktorymi črtami kako gorskogo, tako i luko-iztočnogo marijskyh jezykov. Obče priznaky s luko-iztočnym marijskym jezykom: cokanje, labialna harmonija, sovpadanje mnogyh morfologičnyh form značnoj kolikosti slov. S gorskomarijskym — prisutnost fonem ӓ, ӹ, palatalna harmonija, podobnost v morfologije, udarjenje.[4]
Sěverozapadne marijci imajut oprěděljene trudnosti v razuměnju nositeljev dvoh drugyh marijskyh jezykov. Do poslědnogo časa tute trudnosti otegčali se ješče i tym, že bez obzira na večšu podobnost i genetično rodstvo sěverozapadnogo narěčja s gorskym, nositeljev sěverozapadnogo narěčja sut učili luko-iztočnomu literaturnomu jezyku.[3]
Čislo nositeljev
Čislo nositeljev — okolo 7 000 ljudij. Točnu cifru nazvati nemoožno vslěd togo, že v času vserosijskyh prěpisov sěverozapadny jezyk byl uvažany v sostavu lukomarijskogo ili prosto marijskogo jezyka. Priblizno čislo govoriteljev izvodi se iz občego čisla sěverozapadnyh marijcev 15 000 ljudij (po prěpisu 2010 goda)[5] i procenta vladanija marijskym jezykom medžu njimi — 58,5 % v 2002 godu.
Historija izučanja
Prve proby iztvoriti literaturne teksty za marijcev, naseljajučih Srědnje Povetlužje, prědprijimali se ješče v XVIII stolětju. S tutoj rabotoju svezana dějnost Nižegorodskoj duhovnoj seminarije, osnovanoj v 1721 godu. Po mněnju N. I. Isanbaeva, 5-jezyčny slovnik Damaskina, izdany v to vrěme, jest sostavjen «v osnovně na materialu gorskogo i sěverozapadnogo narěčij marijskogo jezyka». Jednakože, libokakoj analizy vsih narěčij i vydělenja srěd nih oddělnogo sěverozapadnogo v to vrěme ne bylo.
Izvěstny ugrofinověd Михкель ВескеMihhel Veske byl prvym, kdo jest sravnil rěč Marijcev v raznyh regionah jih obyvanija. V čas svojej ekspedicije k jaranskim Marijcam v 1888 godu, on jest u dělil jihny jezyk v oddělny govor v sostavu gorskogo (zapadnogo) narěčja v protipoložnost lukovomu (iztočnomu).
Prvym, kdo jest prědložil uděliti jezyk sěverozapadnyh Marijcev v odděljny dialekt, odličny kako od jezyka gorskih, tako i lukovih Marijcev, byl В. А. МухинV. A. Muhin. Po rezuljtatu lingvističnoj ekspedicije 1934 goda on jest dopustil možlivost mněvati jego oddělnym sančursko-jaranskym (sěverogorsko-marijskym) dialektom.
Pozicija sěverozapadnogo narěčja kako otděljnogo, četvrtogo narěčja marijskogo jezyka byla okončatelno obosnovna na materialah Dialektologičeskoj ekspediciji MarNIIJaLI 1958 goda Л. П. ГрузовaL. P. Gruzova i И. С. ГалкинаI. S. Galkina.[6]
9 aprělja 2019 goda byla registrovana zajavka А. В. СоломинaA. V. Solomina (v sotrudničestve s sotrudnikom MarNIIJaLI А. В. ЧемышевымA. V. Čemyševym) na prisvoenije jezyku koda jmy standarta ISO 639-3 Meždunarodnoj organizaciji po standartizaciji. Jednakože 23 janvarja 2020 goda prisvoenije koda bylo priznano necěleso obraznym.[7]
Izslědovateli jezyka
- Геннадиj Матвеjевич ТужаровGennadij Matvejevič Tužarov
- Иван Григорjевич ИвановIvan Grigorjevič Ivanov
- Андреj Алексеjевич УтятинAndrej Aleksejevič Utjatin
- Jeлена Михаjловна АндриановаJelena Mihajlovna Andrianova
Pismennost
Sěverozapadnomarijsky alfabet
Jezyk imaje status pisemnogo od izdavanja v 1995 godu prvoj eksperimentalnoj knigy — «Маре букварь». V nej byl izkoristany kiriličny alfabet s vklučenjem vsih bukv kako luko-iztočnogo marijskogo, tako i gorskomarijskogo jezykov suglasno nalichnosty fonem oboh jezykov. Za dva samozvučne zvuky, otsutstvujuče v drugyh marijskyh literaturnyh normah, byli koristovane bukvy ẙ, ӱ̊. V nastoječe vrěme koristaje se alfabet s dopolniteljnymi bukvami ө, ӫ.[8]
| А а | Ӓ ӓ | Б б | В в | Г г | Д д | Е е | Ё ё |
| Ж ж | З з | И и | Й й | К к | Л л | М м | Н н |
| Ҥ ҥ | О о | Ӧ ӧ | Ө ө | Ӫ ӫ | П п | Р р | С с |
| Т т | У у | Ӱ ӱ | Ф ф | Х х | Ц ц | Ч ч | Ш ш |
| Щ щ | Ъ ъ | Ы ы | Ӹ ӹ | Ь ь | Э э | Ю ю | Я я |
Od 2022 goda v Jaransku izdavaje se měsečna informacijna gazeta «Иркӓс» (Utrom i večerom) s materialami na russkom i sěverozapadnom marijskom jezykah.
Lingvistična harakteristika
Fonetika i fonologija
Sěverozapadny marijsky jest harakterizovany največšim čislom samoglasok v marijskom jezyku — 12:[4] prědnjogo reda — и, э, ӧ, ӓ, ӱ, ӫ, ӹ, zadnjogo reda — а, о, у, ө, ы. Konsonantizm jest prědstavjen bilabialnjymi suglaskami — п, в, м, prědnjejezyčnymi — л, р, д, з, т, ц, н, с, ш, ж, srědnjejezyčnymi — нь, ль, й, ть, zadnjejezyčnymi — к, ҥ, г. V ruskyh pozajetjah pozdnjego vrěmeni vstřečajut se — ф, х, б, ч.[9]
V govorah sěverozapadnogo marijskogo jezyka nabljudaje se kako palataljno-velarna, tako i labialna harmonija samoglasok. Slovesno udarjenje padaje v osnovnom na prědposednji slog, kako i v gorskomarijskom jezyku.
Morfologija
Zaimennik
- Osobne: мӹнь «ja», тӹнь «ty», тӱдӧ «on», ме «my», те «vy», нӱнӧ «oni»;
- Ukazateljne: тедӹ «tutoj», сӓдӹ «toj», тенӓрӹ «toliko»;
- Pytajuče: кӱ «kdo», ма «čto»;
- Oprěděljateljne: весӹ «drugy», кӓжнӹ «každy», цӹлӓ «vse», шке «sam, svoj».
Imennik
Imennik v sěverozapadnom marijskom jezyku, kako i v literaturnom marijskom jezyku, jest harakterizovany slědujučimi priznakamy: imaje formy čisla, izměnjaje se po padežah, može byti odformovanym privlastniteljnymi sufiksami, oprěděljajemym pridavnikami, pričestjami, ukazateljnymi i oprěděljaučmi zaimennikamy, a takože čislovnikami; v oprěděljenyh uslovjah koristaje se v kombinacijeju s poslělogami, može izpolnjati funkciju libokakogo člena rěčenja.
Pridavnik
Po svojemu značeniju i gramatičnym priznakam pridavniky dělet se na kakostne i odnositelne. Privlastnitelne pridavniky odsutstvujut. Za izraženje vlastnosti predmeta, fakta, javjenja licu ili drugomu neoduševlenomu prědmetu koristajut se imenniki či v formě nominativa, ili v formě genitiva. Napriměr: шкал шур «kravi rog»; пи пац «psi hvost», ӓтӓмӹн пӧртшӧ «otči dom».
Čislovnik
| Kvantitativne kratke | Kvantitativne polne | Redove | |
|---|---|---|---|
| 1 | ик | иктӹ, иктӹт | пре, первей |
| 2 | кок | коктыт | вес, весӹ, торой |
| 3 | көм | көмөт | көмшо |
| 4 | нӹл | нӹлӹт | нӹлӹмшӹ |
| 5 | вӹц | вӹзӹт | вӹзӹмшӹ |
| 6 | кут | кудыт | кудымшо |
| 7 | шӹм | шӹмӹт | шӹмшӹ |
| 8 | кӓнтӓҥӹш | кӓнтӓҥӹшӹ | кӓнтӓҥӹмшӹ, кӓнтӓҥӹшӹмшӹ |
| 9 | интиҥӹш | интиҥӹшӹ | интиҥӹмшӹ, интиҥӹшӹмшӹ |
| 10 | лу | — | лумшо |
| 11 | латик | латиктӹ, латиктӹт | ? |
| 12 | латкок | латкоктыт | латкоктымшо, латкоктытымшо |
| 13 | латкөм | латкөмөт | латкөмшо |
| 14 | латнӹл | латнӹлӹт | латнӹлӹмшӹ |
| 15 | латвӹц | латвӹзӹт, луцко | латвӹзӹмшӹ |
| 16 | латкут | латкудыт | латкудымшо |
| 17 | латшӹм | латшӹмӹт | латшӹмшӹ |
| 18 | латкӓнтӓҥӹш | латкӓнтӓҥӹшӹ | латкӓнтӓҥӹмшӹ, латкӓнтӓҥӹшӹмшӹ |
| 19 | латинтиҥӹш | латинтиҥӹшӹ | латинтиҥӹмшӹ, латинтиҥӹшӹмшӹ |
| 20 | коло | ? | ? |
| 21 | коло ик | коло иктӹт | ? |
| 30 | көмло | ? | ? |
| 40 | нӹлдӹ | ? | ? |
| 50 | вӹтльӹ | ? | ? |
| 60 | кутло | ? | ? |
| 70 | шӹмлу | ? | ? |
| 80 | кӓнтӓҥӹшлу | ? | ? |
| 90 | интиҥӹшлу | ? | ? |
| 100 | шӱдӧ | ? | ? |
Padeže
V sěverozapadnom marijskom jezyku jest 11 padežev — to jest največšo mno+ystvo medžu vsěmi četyrěmi marijskimi jezykamy (v lukovom iztočnom je jih 9, v gorskom 10). V jezyku imajut pričinny padež (kauzativ), odsutstvujuči v drugyh marijskyh jezykah, ktory stvarjaje se s pomočju sufiksov -ланен, -лӓнен, napriměr: оксаланен — «radi pěnezy»; кинтӹлӓнен — «radi hlěba»; i lišiteljny padež -де, -те, napriměr: имниде — «bez konja».[10].
- Imeniteljnik (nominativ)
- Roditeljnik (genitiv) -н (-ын)
- Dateljnik (dativ) -лан (-лӓн)
- Viniteljnik (akuzativ) -м (-ым)
- Lišiteljnik (abessiv) -те (-де)
- Pričinny padež (kauzativ) -ланен (-лӓнен)
- Sravniteljnik (komparativ) -ла (-ла)
- Spolny (komitativ) -ке (-ге)
- Městny (inesiv) -шты (-штӹ), -штӧ (-што)
- Směrovateljnik (ilativ) -ш, -шкы (-шкӹ), -шкӧ (-шко)
- Uslovnjik (lativ) -ш (-еш)
Leksika
Leksika sěverozapadnogo marijskogo jezyka vklučaje slova obšče-ugrofinskogo (uralskogo) proizhodženja, označajuče pojetja, svezane s povsednjeju fizičnoju, fiziologičnoju i psihičnoju dějnostju člověka, s dobyvanjem srědstv k istnovanju (ӹлӓш «žiti», ял «noga»).
Leksika vklučaje v sebě red slov, odsutnyh v drugyh marijskyh narěčjah. Podlě kalkulacije, proizvednoj I. Jegorovym, v Tonšajevskom govoru sěverozapadnogo narěčja imajut 29,2% slov, obščyh s gorskym narěčjem, 21,3% — s luko-iztočnym i 27,7% slov, upotrebljaemyh toliko v etom govore,[11] napriměr цици (luk. lukomar.: шыл, йӧр, gor. gornomar.: пай) «meso», нӧргӓ (luk. lukomar.: ӱмбал, gor. gornomar.: патыл) «smetana», карак (luk. lukomar.: канде, gor. gornomar.: симсӹ) «sinji» i dr.
Barvy
| Medžuslovjansky | Gorskomarijsky | Sěverozapadny marijsky | Lukomarijsky | Priměr |
|---|---|---|---|---|
| Črveny | Якшар | Якшар | Йошкар | |
| Žolty | Сары | Пӓтьӓ | Саре | |
| Zeleny | Ыжар | Өжар | Ужар | |
| Nebesky | Симсӹ | Карак | Канде | |
| Běly | Ошы | Ошо | Ошо | |
| Sěry | Луды | Лудо | Лудо | |
| Črny | Шим | Шим | Шем | |
| Koričněvy | Кӹран | Кӫрен | Кӱрен |
Dialekty
- Jaranski govor — največši po territoriji razprostranjenja i čislu nositeljev, osnova kniževnogo jezyka:
- Kiknursky podgovor,
- Tužinsky podgovor,
- Sančursky podgovor.
- Šarangsky govor — najbliže k gorskomarijskomu jezyku.[12]
- Tonšajevsky govor.
- Lipšinsky govor.
Iztočniky
- ↑ Rantanen, Timo; Tolvanen, Harri; Roose, Meeli; Ylikoski, Jussi; Vesakoski, Outi (8 junija 2022). "Best practices for spatial language data harmonization, sharing and map creation—A case study of Uralic". PLOS ONE (na anglijskom). 17 (6): e0269648. Bibcode:2022PLoSO..1769648R. doi:10.1371/journal.pone.0269648.
- ↑ Rantanen, Timo, Vesakoski, Outi, Ylikoski, Jussi, & Tolvanen, Harri. (2021). Geographical database of the Uralic languages (v1.0) [Data set]. Zenodo. https://doi.org/10.5281/zenodo.4784188
- 1 2 "Эрик Юзыкайн. Некоторые аспекты информационной среды марийцев. Suri.ee". Bylo arhivovano iz iztočnika 5 aprilja 2016. Data dostupa: 14 januara 2020.
- 1 2 "Dialekty marijskogo jezyka". Enciklopedija Respubliky Marij El. str. 337–338.
- ↑ "Официальный сайт Всероссийской переписи населения 2010 года. Информационные материалы об окончательных итогах Всероссийской переписи населения 2010 года". Bylo arhivovano iz iztočnika 7 januara 2019. Data dostupa: 14 maja 2018.
- ↑ Galkin I. S., Gruzov L. P. Někotore rezuljtaty dialektologičeskoj ekspediciji MarNII 1958 goda // Trudy MarNII.— Vyp. XIII.— Joškar-Ola, 1960.— S. 191.
- ↑ "Change Request Documentation: 2019-001. ISO 639-3". Bylo arhivovano iz iztočnika 1 februara 2020. Data dostupa: 1 februara 2020.
- ↑ "Марийский язык. Языки - Справочник ParaType". Bylo arhivovano iz iztočnika 22 julija 2019. Data dostupa: 21 aprilja 2019.
- ↑ Основы финно-угорского языкознания (марийский, пермские и угорские языки).— М., 1976.— С. 14.
- ↑ Иванов И. Г., Тужаров Г. М. Северо-западное наречие марийского языка / Диалекты марийского языка.— Вып. I.— Йошкар-Ола, 1970.— С.110—111.
- ↑ Труды МарНИИ.— вып. V.— Йошкар-Ола.— С. 164.
- ↑ Марийцы. Историко-этнографические очерки. Йошкар-Ола. 2013. str. 137.
Literatura
- "Dialekty marijskogo jezyka". Enciklopedija Republiky Marij El. str. 337–338.
- "Marijcy sěverozapadne". Enciklopedija Republiky Marij El. str. 523–524.
- Ivanov, I. G.; Tužarov, G. M. (1970). Sěverozapadno narěčje marijskogo jezyka / Dialekty marijskogo jezyka. I. Joškar-Ola.
- Ivanov, I. G.; Tužarov, G. M. (1971). Slovnik sěverozapadnogo narěčja marijskogo jezyka / Dialekty marijskogo jezyka. II. Joškar-Ola.
- Andrianova, Je. M. Sěverozapadno narěčje v sistemě dialektov marijskogo jezyka.
- Tutoj članok imaje prěvod iz članka «Северо-западный марийский язык» v Vikipediji na russkom (spis avtorov; dozvoljenje CC BY-SA 4.0).
