Wp/isv/Prabaltoslovjansky jezyk

Prědpokladana teritorija baltoslovjanskogo dialektnogo kontinuuma s nazvami arheologičnyh kultur Bronzovogo věka, ktore mogut byti svezane s prědkami baltov i slovjan (bělo), a takože archaične slovjanske hidronimy (črvene točky)

Prabaltoslovjansky jezyk (baltoslovjansky prajezyk) — rekonstruovany prajazyk, ktory voznikl iz razpada praindoevropejskogo jezyka i potom razpadl se na dva jezyky — prabaltsky i praslovjansky, ktore stali prědkami baltskyh i slovjanskyh jezykov v indoevropejskoj jezyčnoj rodině.

Prabaltoslovjansky jezyk ne imaje pisane pametky, no on je rekonstruovany v lingvistikě metodami sravnitellno-historičnogo jezykoznanja. Je nabor izoglos spoločnyh dlja baltskych i slovjanskych jezykov v oblasti fonologije, morfologije i akcentologije, ktore spoločne novotvorjenja iz časa indoevropejskogo jedinstva i mogut byti rekonstruovane hronologično.

Prědindoevropejsky substrat v prabaltoslovjanskom jeyku prividno ne prisutstvuje (ili prisutstvuje v malo značnom objemu).